kulturgileak gizarte mugimenduetan - Euskara

aina, bueno abiatu zen Soziolinguistika Klusterra, ezta? Eta ideia hori
gizarteratzen hasi ginenean alde guztietatik oso erantzun baikorra eta aldekoa
eman ziguten, ezta? (…) Gainera, kuriosoa da baina diziplina diferenteetan
adituak edo formazio sendoa duten pertsonak parte hartu izan dute, ezta? Eta ez
unibertsitateak eskainitako baldintzei esker, baizik eta justu… [barreak] hori
justu horrela izanda ere, unibertsitateko baldintzak horren eskasak izanda ere,
gauza asko lortu izan da eta, bueno, unibertsitatearen baldintzez ari naizenean
ez dut bakarrik aipatzen irakaslego euskaldunaren egoera edo ez dakit zer. Edo
karrera guztiek euskeraz burutu ez izana edo…. Bueno, hori ere bai, baina, nik
uste, gabezi sakonagoak edo estrukturalagoak badaudela, ezta? Euskarak, eta
Euskal Filologia salbu, euskarak ez du lekurik izan maila akademikoan. Oso
adibide sinple bat, gure artean ondo ulertzen duguna, zer ekarpen dagoen
Soziologiaren ikuspuntutik. Edo Zientzia Politikoen ikuspuntutik. Zer ekarpen
dago euskararen mundurako? Zer egilek landu du zerbait? Bueno, ba Txepetxek,
baina ez unibertsitateari esker. Txillardegik, bai, baina ez unibertsitate honi
esker. Bueno, ordun, hizkuntzen mundua, diziplinartekotasunaren premia
daukan neurrian, unibertsitatetik ez zaio erantzun, eta justu Euskal Filologiak,
eta Soziologiak, adibidez, badu zeresan handia, edo Gizarte Sikologiak edo
Antropologiak edo Zuzenbideak (…) Eta unibertsitateak paso egin du. Zergatik?
Segurasko unibertsitatearen baitan botere egoeran zeudenak, eta ez bakarrik
errektoreak eta gobernu organoek, baita botere egoera akademikoan,
katedradunak (…) segurasko katedradunek sentsibilitaterik izan ez dutelako eta,
azken finean, horiek erabaki dute formazio akademiko mota guztiak eta planak
eta dena, ezta? Eta ikerkuntza lan ildoak eta, bueno, ordun, horiek paso egin
dute eta unibertsitate, ez honek bakarrik, ez publikoak bakarrik, baita
Deustukoak beste horrenbeste, ez du garrantzi handirik eman, ezta? Ordun,
meritu handiagoa du oraindik kulturgileek lortu duten profesionalizazioa eta
gaitasuna hizkuntzaren munduan jarduteko, unibertsitateak eskaintzen edo
eskaintzen ez dituen baldintzak kontuan hartuta (3. Elkarrizketa).
Akademiko batzuen ustez, gizartearen ekimena beharrezkoa da
botere konfigurazio hori aldatu ahal izateko. Besteak beste, botere
konfigurazio horien aurrean irakasleria euskaldunaren merituak aintzat
hartzeko gauza izango liratekeen ebaluazio instituzioen premia
azpimarratzen da, gaur egun ez baitzaio balio handirik ematen euskaraz
egindako lanari. Bestela adierazita, euskarazko kultura baloratzeko tresna
instituzionalak jarri beharko lituzke unibertsitateak. Euskal gizartearen
eskaerak eta instituzio unibertsitarioaren barnean diharduen komunitate
zientifikoaren lanak bide berean jartzeko modu bat litzateke
proposatutakoa.
649