kulturgileak gizarte mugimenduetan - Euskara

Euskara teknikariek eta, oro har, profesionalen taldeek gero eta garrantzi
handiagoa hartzen ari ziren euskalgintzan. Hartara, euren interes
kognitiboak ere, gero eta definituagoak ziren. Garrantzi progresibo horrek
kulturgileen arteko oreka aldaketa bat adierazten zuen esparruan, baita
profesionalizazio prozesu bat ere. Hala, Txepetxen proposamena tresna
ezin egokiagoa izan zen udal esparruan hiztun komunitateari begira jardun
behar zuten administrazioko profesionalentzat. Luze gabe, Txepetxen lanak
euskalgintzaren egintza bideratzeko euskarri teoriko-ideologiko bihurtu
ziren. Bestela adierazita, mugimenduaren ezagutzazko dimentsioa osatzen
lagundu zuten aurrerantzean. Txepetxen hizkuntzen ikusmolde ekologikoa
eta hizkuntzen arteko berdintasunaren printzipioa hartu zituen
abiapuntutzat mugimenduak, eta hiztun komunitatearen berreraikuntzan
jarri zituen hizkuntzaren berreskurapenaren aldeko indarrak —hizkuntza
hiztun komunitatearen baitako praktikan ez beste inon gauzatzen dela
gogoan hartuta—. Helburu hori lortzeko, komunitateko partaideen
borondatea sustatzeko premia sortu zen. Hizkuntza gaitasun osoa eta
hizkuntza kontzientzia zutenek osatu behar zuten sustapen prozesuaren
nukleo dinamizatzailea —“gune sinbolikoa”—. Gutxiengo militantearen
eguneroko praktikaren bitartez gizarteko gainontzeko kideen hizkuntza
kontzientzia eta jarreren aldaketa sorrarazi gura zen, hizkuntza
komunikaziozko funtzioak berreskuratzearekin batera —hizkuntza
testuinguru sortzaile eta produktiboetan erabiltzean— gizarte arau eta
baldintzapen objektiboak gaindituko zirelakoan.
berreskurapenerako enpirismoan oinarritutako teoria soziala finkatu eta esperimentatu
dela. Hau izan liteke datozen urteotan indar berriz lanean segitzeko daukagun
euskarririk garrantzitsuenetako bat. Txepetxi esker (…) Gehiago esaten ausartuko naiz.
Teoria honek praktikan bere emaitzak ematen dihardu. Han-hemenka herri-taldeak
sortu dira eta sortzen diharduten ilusioa, ezinbestekoa zaiguna, zabalduz
(Muniozguren, 1992: 48).
623