kulturgileak gizarte mugimenduetan - Euskara

hutsa baino askoz ere prozesu korapilotsuagoa izan ohi da trebakuntza hori.
Esparru sozial jakin bateko eragileek eskuratzen dituzten gaitasun,
pertzepzio eta balorazio eskemen multzoak —habitus kontzeptuarekin
ezagutzen ditugun disposizioak, azken batean— erabakigarriak dira
esparruko jokoan parte hartu ahal izateko. Hala gertatzen da kulturaren
esparruan ere. Bada, disposizio horiez jabetu ezean, zaila da kultura
egintzek daukaten zentzua atzematea. Halaz ere, habitusa inkontziente gisa
eskuratzen da sozializazio prozesuetan. Hori dela eta, gaitasun kulturalak
gizabanakoen dohain natural modura ikusi izan dira sen oneko ezagutzan.
Are gehiago, gaitasun kulturalen sorkuntza soziala ezkutuan geratu izan
denez, desberdintasun kulturaletan oinarritutako asimetria sozialak
naturalizatzeko joera finkatu da gizarte modernoetan. Hain zuzen ere,
ezjakintasun horrek baimendu du Aro Modernoan intelektualen nagusitasun
sinbolikoa. Horrela, kulturgileek kapital sinboliko gisa erabili ahal izan
dute beraien ezagutza espezializatua gizartean, baita aginte osoz erabili ere.
Intelektual modernoaren azterketan aurkeztu dugun lehen helburua
kultura esparruaren harremanezko ikuspegia azpimarratzea izan bada eta
bigarrena kulturgilearen gaitasun inkontzienteen naturalizazioa azaleratzea,
hirugarren helburu gisa ikuspegi historikoaren premia nabarmentzea jarri
dugu. Izan ere, kultura esparruak gizarte historikoetan kokaturik egon ohi
dira eta horiekin harremanetan jardun dute. Ondorioz, intelektualaren ideia,
gizarte eragile bereizi gisa, modu historikoan eraiki da, gizarteari eta
testuinguruari atxikita. Kulturgilea, hitz batean, gune instituzionalei loturik
sortu da, ez bestela. Horrez gain, egintzarako ereduak eskaintzen dituzten
ideal eta tradizio multzoen emaitza izan ohi da intelektuala. Halatan,
tradizioak eta testuinguru sozio-intelektualak estu uztarturik egoten dira.
Gizarte bakoitzean jarduera intelektualaren eredu normatiboa ematen duten
tradizio intelektual bereziek osagarri kognitiboak, teknikoak eta
675