kulturgileak gizarte mugimenduetan - Euskara

esperimental modura, Bretainia Handia Iraultzailearen garaiko erlijio
mugimenduen testuinguruan sortu zen. Geroago, XVIII. eta XIX.
mendeetan, zientzia eta diziplina guztiak gizarte mugimenduek natura eta
gizarteari buruz egindako galderen ondorioz sortu ziren. Eyerman eta
Jamisonen ustez, gure garaian ere gizarte mugimenduen barnean garatutako
ezagutza interesei egotzi ahal zaizkie zuzenean ezagutza esparru berriak,
egitura kontzeptual berriak, rol intelektual berriak nahiz arazo zientifiko
berriak (Eyerman eta Jamison, 1991: 54).
Eyermanek eta Jamisonek ikuspegi zeharo interakzionista eta
horizontala eskaintzen dute gizarte mugimenduen barneko ezagutzaren
sorkuntzari dagokionez. Horrela, uste dute gizarte mugimenduen
partaidetzak gizarte ikasketa bat jartzen duela abian; ikasketa hori
kognitiboa da, funtsean. Partaide guztiak daude ikasketa horretan
murgilduta, inolako bereizketarik gabe. Beraz, gizarte mugimenduetako
aktibistek “eginez” eta jardunez ikasten dute, ingeniari profesionalen
bezainbesteko mailan bederen. Ildo horretatik, gizarte mugimenduak “praxi
kognitibo” gisa aztertzen dituzte autoreek, mugimenduek sortutako
ezagutza jardun kolektibo horren emaitza baita. Eyermanen eta Jamisonen
ikusmoldean, ezagutza ez da dohain indibidualaren ondorioa, ezta Ikerketa
eta Garapen sistemaren elkarreragin sistematikoen etekina ere. Aitzitik,
mugimenduen barnean, mugimenduen artean eta mugimenduen eta
aurkarien artean burututako elkartze sozialen emaitza da ezagutza, haien
ustetan.
The collective articulation of movement identity can be likened to a process of
social learning in wich movement organizations act as structuring forces,
opening a space in wich creative interaction between individuals can take place
(…) Looking at social movements as cognitive praxis means seeing knowledge
creation as a collective process. It means that knowledge is not the “discovery”
of an individual genius, nor is it the determined outcome of systemic interactions
within an established Research and Development system. Knowledge is instead
397