kulturgileak gizarte mugimenduetan - Euskara

kolektiboan eragiten dute, eguneroko bizitzaren denboran eta espazioan
sartzen dira oldarka, eta egintza indibidualaren motibazioak eta kultura
ereduak desitxuratzen dituzte.
Gaur egungo gizarte konplexuak funtsezko kontraesanen etengabeko
sortzaile dira. Alde batetik, barne bereizketa handiko sistema konplexu
diren heinean gero eta baliabide gehiago sortzen eta banatzen dute
gizakiaren indibidualizazioa burutu dadin. Bestela adierazita, gizakiaren
autogarapenerako eta nortasun pertsonal nahiz kolektiboen eraikuntza
autonomorako bitarteko franko jartzen dute gizakien esku. Izan ere,
informazioan eta ezagutzan oinarrituriko sistema konplexuek ezin dute
iraun ez badute euren atal indibidualen —neurri bateko— ahalmen
autonomoa onartzen; hala, gizarte garaikideetan banakoek gai izan behar
dute informazioa sortzeko eta jasotzeko. Ondorioz, sistemek banakoen
nahiz taldeen autonomia hobetzeko ahaleginak egin behar dituzte, eta haien
ahalmena ondu informazio sareetara iritsi daitezen.
Alta, unitate osagarrien autonomiarekin batera sistema konplexuek
azken horien gero eta integrazio handiagoaren premia ere badaukate.
Horrela, euren funtzionamendua ahalbidetzen duten baliabideetara zabaldu
behar dute kontrola. Hartara, Beranduko Modernitateko gizarteetan
botereak ezinbestean eragin behar du gizakien eguneroko bizitzan,
ezinbestean urratu behar du egintza indibidualaren sakoneko motibazioa eta
ezinbestean manipulatu behar du esanahiaren sorkuntza prozesua, zeinaren
bitartez gizakiek zentzua ematen dieten gauzei munduan (Melucci, 1985:
695). Menderatze sinbolikoa beste menderatze eredu batzuek
eraginkortasuna galtzen dutenean agertzen da — indarrean oinarritu diren
ereduek, batik bat—. Halarik ere, oraingo sistemaren helburua —
integrazioa— aurreko menderatze ereduaren berbera da. Azken batean,
391