kulturgileak gizarte mugimenduetan - Euskara

Gizarte mugimenduen interpretazio markoek zabaltzen dituzten
aukerak beste barneko faktore batzuen mende ere badaude. Dagoeneko
badakigu Beranduko Modernitateko baldintza kulturaletan diskurtso mota
guztiek ez dutela eragin berbera sortzen gizartean; alegia, diskurtso jakin
batzuek oihartzun handia izan ohi dute gure aroan nagusi den kulturan.
Horrela, adituen definizioek eta kutsu zientifiko-teknikoa daukaten
diskurtsoek, esaterako, zilegitasun kultural handiagoa erdiesten dute beste
interpretazio sozial batzuen aldean.
Definizio sozialen arteko botere sinboliko bereizgarri horrek
desberdintasunak ezar ditzake gizarte mugimenduen esparruan. Izan ere,
baliabide kognitiboen presentziak edo gabeziak lerro argi batez banatzen
ditu lehiatzeko lanabes egokiekin eta lanabesik gabe dauden mugimenduak.
Hartara, interpretazio markoak baliabide kognitibo sendoen gainean
eraikitzen dituzten gizarte mugimenduek modu errazagoan zabaltzen
dituzte aukera politikoak eta kulturalak, euren errealitate irakurketak
egungo kultura irizpideekin sintonian lerratzen direlako. Ildo horretatik,
garrantzitsua da marko horien eraikuntzan gizarteko kulturgileek, adituek,
zientzialariek, akademikoek eta bestelako kultura eliteek izan ohi duten
parte-hartzea. 158 Eta ez soilik langile anonimo gisa, ezpada gizarteak berak
onartutako rol intelektualetan. Rol horiek betetzean, kulturgileek euren
158 Eliteek gizarte mugimenduetan daukaten parte-hartze hori ez da kultura eliteetara
mugatzen. Izan ere, aktore legitimo modura agertzeko, mugimenduek gizartean era
guztietako aginte sinbolikoa —“sinesgarritasun soziala”— duten pertsona eta
instituzioengana jotzen dute. Modu honetan azaltzen du Gerhardsek: The initiators
attempt to recruit “prominent” and at the same time “trustworthy” persons, and hope
that their charisma can be transferred to the movement. Prominent persons who come
from segments of society where universal interests are represented and questions of the
meaning of life are posed and answered are especially likely to be trustworthy. Church
representatives, scientists and artists are particularly important here, because
credibility is virtually part of their professional standing. This effect does not hold true
only for individuals, but for entire institutions as well (Gerhards, 1995: 234).
380