kulturgileak gizarte mugimenduetan - Euskara

nagusi modura dihardute hedabideek, aukera mediatikoaren auziak zeharka
urratzen baitu unibertso intelektuala. Hala, zeinahi kategoria, diziplina,
jatorri eta kidetasun politiko zulatzen du banalerro horrek. Ondorioz, masa
hedabideek ezartzen dituzte esparru intelektual garaikidean dauden
mailaketa garrantzitsuenetakoak.
4.2.1. Bestelako figura intelektualen sorrera publikotasun
mediatikoaren egituran
Intelektualen etorrera masa hedabideetara azterlan askotan
egiaztatutako errealitatea da. Alabaina, badaude egon aipatu beharreko
ñabardurak azterketa horietan. Esaterako, zenbait lanetan azaldutako ustea
da gizarte gatazka eta aldaketa politikoekin konpromiso kritikoa zeukan
intelektual ereduaren krisiarekin batera gertatu dela prozesu hori.
Arrazoibide horren arabera, kulturaren zabalkunde masiboak eta hirugarren
sektorearen hazkundeak erabakigarriak izan dira, haien eraginez intelektual
kontzeptutzat jotzen zena ia disolbatu arte zabaldu delako arian-arian. Era
berean, ikuspegi horietan talde profesional berriei egotzi zaie antzinako
intelektualen funtzioa. Hala, bestelako eredu intelektualak sortu dira. Eredu
horiek, agian kultura ospe txikiagoaren jabe izanda ere, komunikazio
eraginkortasun handia lortu dute esparru publikoan egokiago azaldu
direlako gizarte eragin zuzena eta, batik bat, zabala erdiesteko. Kazetariak
ditugu eredu horren adierazpenik argiena (Maldonado, 1998; Bobillo de la
Peña, 1999).
Argudio ildo horren arabera, orain arte intelektualtzat jo ez direnei
—kazetariei— egindako rol esleipenak intelektualaren kategoriaren
264