kulturgileak gizarte mugimenduetan - Euskara

izugarri handia, ahalguztiduna, baina ezta garrantzi gabekoa ere.
Zenbaitetan kultura esparruan, zenbaitetan esparru politikoan, zenbaitetan
gizarte orokorrean baliatu dute kulturgileek botere hori, eta hala egitean era
askotako erabilera eta erabiltzaile ereduak sortu dituzte.
5. Kultura: botere espezifikoa, mendeko boterea
Los legitimadores están respaldados por una situación de poder dada (Gellner,
1994:19)
Intelektualen berariazko botereak haien egoera bestelako kapitalen
jabe diren eragile sozial batzuenarekin alderatzera eraman gaitzake,
esaterako kapital politikoa edo ekonomikoa daukatenekin. Orain arte esan
dugunez, harremanez osatutako kulturaren gunea hainbat hierarkiaz
zeharkaturik egon ohi da. Ikuspegi sinple batean, alde batetik, gune
nagusietan kokatutako kulturgileak bereizten dira kultura esparruaren
egituran; maizenetan berariazko kultura baliabideak eta kulturaz kanpoko
bitarteko garrantzitsuak —politikoak eta abar— metatu dituztenak izan ohi
dira horiek. Bestetik, harreman bilbearen barruan lekurik ahulenetan
kokatuta —sarritan esparruaren ertzetan—, bazterreko kulturgileak
azaltzen dira. Jakina, bi muturren arteko tarteetan hainbat eraginetako
kulturgile-gune asko egoten da txertaturik harreman sarean. Gizarte esparru
guztietan agertu ohi dira antzeko hierarkia banaketak, esparru politikoan
edo ekonomikoan esaterako, nahiz eta haietan erabiltzen diren baliabideak
beste era batekoak izaten diren.
196