kulturgileak gizarte mugimenduetan - Euskara

aitira. 171 Ildo horretatik, ezagutza berrien sorgune izateaz gain,
kulturgileen kontsakrazio esparru bilakatu dira gaur egun gizartean indartu
eta instituzionalizatu diren gizarte mugimenduak, hots, mugimendu
“arrakastatsuak”.
3.3.2. Adituak gizarte mugimenduetan
Zenbait kulturgile akademikoren kontsakrazioa ez ezik beste tradizio
intelektual batzuena ere gertatzen da gizarte mugimenduen jardueran. Esan
dugunez, adituen tradizioa eta komunikatzaileena edo kazetariena modu
estuan daude mugimenduen eginkizunei loturik. Izan ere, bi jarduerak
txertatzen dira gaur egungo gizarteetan burututako egintza orok eskatzen
dituen premia teknikoen koordenatuetan: komunikazio publikoa eta
jakintza berezituak. Horrela, mugimendu intelektual asko bi tradizio horien
inguruan eratzen dira batik bat.
Komunikatzailearen eta adituaren tradizioak, tradizio akademikoa ez
bezala, mugimenduaren barne aktibismoari atxikirik daude; ildo horretatik,
171 Gizarte mugimenduek sortutako interes kognitiboen eraginez ezagutza esparru
berriak eta ikuspegi berriak sortu dira zientzia legitimoaren barruan; horiek apurkaapurka
instituzionalizatu dira mundu akademikoan. Adibide modura, teoria feministen
ekarpenek iraultza bat ekarri dute gizarte zientzien alorrera. Javaloyren hitzetan: La
influencia del feminismo no se ha limitado a conquistas en el terreno práctico, sino que
se ha extendido al campo científico. Prueba de ello lo constituyen los Women´s y
Gender Studies, que promueven la investigación universitaria sobre la mujer, y han
tenido un vigoroso desarrollo en Estados Unidos, extendiéndose a universidades de
otros países, principalmente occidentales. En facultades de sociología, psicología,
historia y ciencias sociales en general se está realizando una revisión de nuestra
cultura patriarcal y androcéntrica desde una perspectiva feminista, lo cual va
descubriendo la otra cara de la realidad (la femenina) y está introduciendo cambios
profundos en la casi ignorada imagen real de la mujer (Javaloy et al.,2001: 371). Gai
beraren inguruan: Durán, 1996. Halaber, ingurugiroaren aldeko mugimenduek
sustraitik eraldatu dute biologiaren eta sistemen ekologiaren azterketa esparru
akademiko-zientifikoan (Ikus Cramer, Eyerman eta Jamison, 1987).
417