kulturgileak gizarte mugimenduetan - Euskara

Edonola ere, kulturaren munduan sartzeak, gaitasun “egokiak”
eskuratzeko prozesu luze eta etenik gabekoa eskatzen du. Tartean, sen
onaren premisa batzuk alde batera uzten dira eta bestelako printzipioekiko
atxikimendua gertatzen da. Hartara, eguneroko esperientzian eta sen oneko
ezagutzaren barruan ulergaitzak diren eskakizunak onartzen dira
kulturgintzan. Halaz ere, lehenago esan bezala, esparruan sartzeak dauzkan
inplikazioak kulturgilearentzat maila inplizituan geratu ohi dira sarri
askotan, ia beti ez bada. Izatez, habitusa eskuratzen denean, habitus
praktiko gisa jasotzen da, ez nahitako konpromiso kontziente modura.
2.3.1. Gaitasun eskolastikoa: aisialdi intelektuala
De las virtudes útiles para el descanso, las hay que se practican en el descanso
y las hay que en el trabajo (Aristoteles, 1986: 277)
La sensación de placer personal que se deriva de las actividades de
investigación fue ampliamente reconocido y no hubo un solo entrevistado que
confesara estar “desconectado” o poco envuelto en, incluso los aspectos más
rutinarios (…) Pocos de los que tenían algunos años de experiencia profesional
habrían deseado vivir sus vidas de manera diferente (…) La mayoría de los
académicos que entrevisté afirmarían, como uno expresó, el goce de “una vida
intelectual, llena de satisfacciones y de euforia” y compartir con otro la
afirmación que “no puedo imaginar hacer ninguna otra cosa ni ningún otro
trabajo donde me pagaran para (…) hacer lo que deseo hacer” (Becher, 2001:
165-166).
Gaur egungo kulturgileak kulturaren mikrokosmos jakin bati
dagozkion ahalmen espezifikoak izan behar ditu barneratuta, hala nola,
esparru akademiko-unibertsitarioarenak, zientifikoarenak, literarioarenak,
eta abar. Horien gainetik, alabaina, kulturaren munduaren partaide izateak
itsatsita daukan gaitasun bat nagusitzen da. Ahalmen horrek berarekin
dakar pentsamendu garbia eta esperimentazio intelektualaren ahalbidea,
alegia, pentsamenduaren “jolasari” eskainitako lehentasunezko ardura.
Alta, kontraesana dirudien arren, kulturaren unibertsoan murgildurik
daudenentzat zaila izan ohi da unibertso horrek eskainitako ahalmenen
150