kulturgileak gizarte mugimenduetan - Euskara

sustatzeko eta lehen zientzialari taldeen arteko elkarkidetza finkatzeko
erabakigarria izan zen UEU erakundea.
Esan bezala, haren sorreran itzelezko eragina izan zuen ikastoletatik
sortzen ari ziren premiei aurre egin beharrak (Etxebarria, 1993: 100). Bada,
hasierako ikastoletako arazo handienetarikoak, ekonomikoaz gainera,
irakas materialaren prestakuntza eta irakasleen heziketa eta koordinazioa
ziren. Material eskari eta heziketa premia horietatik abiatu ziren zientzi
arloko lehendabiziko ikastaroak eta liburuak; garaian garaiko baldintzak
zirelarik, lan horretan zihardutenen arteko bilgune bihurtu zen UEU.
Euskarazko unibertsitate formalik ezean, bertan trebatu ziren zientzialari
berriak euskararentzat artean ezezagunak ziren arlo zientifiko guztietan;
bertan sortu zen lehen material idatzia, eta bertan eztabaidatu eta erabaki
ziren hizkuntza-aldaera zientifikoa lantzean sortzen ziren arazoak. Hartara,
berebiziko garrantzia izan zuen UEUk euskal esparru zientifikoaren
eraketan eta zientzialari-ikertzailearen tradizioaren finkapenean, halako
moldez non, gaur egungo Euskal Herriko akademiko asko han egindako
jardunaren emaitza zuzena diren. Ez da gehiegikeria esatea, bada,
euskalgintza mugimenduaren fruitu dela kulturgile tradizio horren
sorkuntza eta sendotzea gure gizartean, eta gaurko euskarazko irakaskuntza
eta ikerkuntza unibertsitarioa nekez ulertu daitezkeela UEUren barnean
egindako lehen kapital kulturalaren metaketari ezker ez bada.
Giro egokia sortu da UEUn irakasle euskaldunen prestakuntzari bultzada
emateko, izan ere, aukera berezia eskaintzen bait du, hango ikastaldietan
irakasle-gisako saio praktikoak egiteko. Horrela, gaur egunean unibertsitate
ofizialetan (UPV/EHUn batez ere) eta pribatuetan euskaraz irakasten ari diren
irakasle askok (gehienak direla esatera ausartuko nintzateke), UEUn eman
dituzte beren lehenengo pausoak. Ikasleei dagokienez ere bertatik abiatu dira
hainbeste, bai ikasle modura zein oraindik ikasle izanik beren lanak bertan
irakasle modura aurkeztuz (…) Irakasleen prestakuntzarako ekimen horrekin
batera, liburugintzarako azpiegituraren garrantzia ere aipatu behar da (…)
Ikerkuntzari bultzada emanez (…) bai Kimikan zein Fisikan eta Natur
526