kulturgileak gizarte mugimenduetan - Euskara

zientziek hartzen duten garrantzia eta elkarrizketatuek azpimarratzen duten
hutsunea. Euskarari eta euskal kulturari lotutako gaiek unibertsitateko
curriculumean izan duten eragin eskasak gauza bat adierazten du: hain
zuzen ere, euskal kulturaren ahulezia sinbolikoa Euskal Herrian dauden
unibertsitate ikasketetan, alegia, euskal munduaren arroztasuna
unibertsitate esparruan. Bada, unibertsitateak eskainitako curriculum
ofizialak ez ditu asetzen ez euskalgintzaren ez euskal kulturarekin
identifikaturiko kulturgile akademiko euskaldunen interes kognitiboak.
Hala, behin eta berriro nabarmentzen dute elkarrizketatuek unibertsitateak
eskainitako edukien eta gizarte euskaldunean atzematen diren premien
artean dagoen aldea. Minorizazioak, beraz, kuantitatiboki ez ezik
kualitatiboki ere erakusten du mendekotasun sinbolikoaren ondorioa.
Planteamendua nik uste okerra dela bai ikasketa planetatik hasita, bai
unibertsitatea ulertzeko modutik beretik hasita ere, ezta? Eta, ordun, nik uste
beharko lukeela ba bestelako planteamendu bat, gizartea ikuspuntu inportante
bezela hartzen duena eta jomuga hartzen duena eta, ordun, ikasketa planak eta
ikerketa bera ere horra zuzenduta egon beharko lukeela neurri handian, ezta?
Eta horrek eskatzen du aldaketa oso sakona, ze ez da bakarrik plan bat
itxuratzea edo…, ez, ez; da hausnarketa oso bat egitea, ezta? Hori burutu ezkero
oso lagungarri izango litzateke eragile kulturalaren formaziorako,
unibertsitateak daukan potentzialidadea handia delako, ezta? Hori gertatu
bitartean, bueno, ba, unibertsitateak nahi gabe eskaintzen dituenak, nahi gabe
eta inkontzienteki eskaintzen dituen aukerak, ba irakasle batzuk, ikasle batzuk…
aprobetxatzen duten neurrian baliagarria da gero euskalgintzan edo eragiteko,
gizarte mugimenduan eragiteko, ezta? Baina, kasualidadez eta ia nahi gabe, ez
planteamendu sendo batetik abiatuta edo… salbuespenak dira. Ordun, bueno,
ba dagoena lagungarria da, eragiten du, besteak beste ikasleek euskeraz, neurri
batean, euskeraz ikasi ahal izatea oso lagungarria da, bueno, trebatzen direlako
hizkuntza hortan, jakintza arlo diferenteak hizkuntza horretan lantzen dutelako,
eta hori inportantea da, hizkuntza baten corpuserako eta baita prestigio
sozialerako, ezta? Eta, bueno. Gainera, hortik, pentsatzekoa da euskerazko
ekoizpen zientifikoa ere areagotuko dela, ordun, arrazoi askogatik dagoenak ere
laguntzen du. Baina, bueno, nik uste, kasualitatez, ez? Ez, ez nahita eta behar
bezela pentsatuta (3. Elkarrizketa).
Nik uste instituzio bezala, hemen gauden unibertsitateak euskalgintzari eta
hizkuntzaren komunitateari bizkar emanda ari direla (…) Erakundea, instituzio
bezala, ez dio ekarpen handirik egin (…), ez dio ekarpen handirik, ez dago. Eta
oso gauza kuriosoa da, ezta? Batetik, hemen gizartea, Euskal Herriko gizartea,
oso zabala da. Euskaldunak gutxiengo bat gara, kasurik onenean heren bat, eta
645