kulturgileak gizarte mugimenduetan - Euskara

gaitasuna areagotzen du, eta besteengandik munduari buruz jasotzen diren
interpretazioak eta teoriak modu kritikoan eztabaidatzeko ahalmena
ematen du. Esan nahi baita, iritzi propioa sortzeko baliabide gehiago
izateaz gain, gizaki heziak ez dauka inolako mendekotasun mekanikorik
besteen iritziei buruz.
Razionaltasun modernoak sortzen dituen gabeziak ulertzeko,
gaitasun kognitiboari erantsi egin behar zaio, maiz, horrelako habitusa
daukan gizakia, lanbidez, gizarte zerbitzuetan, hezkuntza sisteman eta
informazioari lotutako lan eremuetan kokaturik egoten dela. Klase ertainen
lan kokaleku horiek dira, hain zuzen ere, irrazionaltasun eta gatazka gune
berrietatik hurbilen dauden esperientzia eremuak. Halatan, ez da harrigarria
azterketa enpirikoetan zenbait aldagai batera agertzea gizarte mugimendu
berrien aldeko planteamenduak babesten dituztenen artean eta haien
egintzetan parte hartzen dutenen artean —hala nola, heziketa maila,
lanbidea (bereziki administrazioan, ongizatean edo sektore publikoan) eta
kategoria soziala—. Izan ere, lanbide sisteman ere aldaketak gertatu dira
hirugarren iraultza teknologikoaren ostean. Baina, Beranduko
Modernitateko gizarteetako lan egituraren aldaketa ez ezik, oro har, sistema
ekonomiko osoaren iraultza sumatzen da mugimenduen fenomenoaren
atzean.
Meluccik dioen bezala, gizarte postindustrialek ez daukate gaur egun
oinarri erabat ekonomikoa. Egitura ekonomikoen, politikoen eta kulturalen
integrazio gero eta handiagoari esker ekoizten dute gizarte garaikideek.
Ondasun “materialak”, esaterako, sistema informatiko eta sinboliko
izugarriak direla medio produzitzen eta kontsumitzen dira. Hori dela eta,
gatazka sozialak ere sistema ekonomiko industrialetik kulturaren esparrura
lekualdatu dira: horrela, gatazka horiek nortasun pertsonalean eta
390