kulturgileak gizarte mugimenduetan - Euskara

daukan kokapenaren, kapitalaren eta kontsakrazio prozesuen berri ematen
digu.
Ildo horretatik, mugimenduetan dagoen ekoizpen kognitiboaren
premia handia izaten denez, era askotako tradizio intelektualetan txertaturik
dauden kulturgileak parte hartzen dute gizarte mugimendu berrietan. Modu
berean, mugimenduek molde askotako baliabide sinbolikoak erabiltzen
dituzte euren jardun intelektualean. Gaur egun unibertsitateko
kulturgilearen tradizioa, adituaren tradizioa, komunikatzailearen tradizioa
eta mugimenduetan jaiotako intelektualarena bildu daitezke sortzen ari den
gizarte mugimenduen jarduera intelektualean. Euren eragina zuzenean edo
zeharkako ondorioetan jasotzen da.
Tradizio horiek, jakina, moldatu eta egokitu egin dira mugimenduen
barneko eginkizunean. Hirugarren Atalean azaldu den moduan, tradizio
intelektualaren kontzeptuak barnean hartzen ditu bai kultura jarduerak
eskatzen dituen berariazko gaitasun eta ezagutza teknikoak bai egintza
politiko-kulturalean nagusi diren ereduak ere 167 . Hartara, kulturgilearen
egintza kulturalaren nahiz politikoaren testuinguru aldaketa gertatzen
denean —gizarte mugimenduen testuinguru “soziopolitikoa” dugu orain
kulturgilearen agertoki berria— egoera horretatik tradizioaren egokitzapena
ondorioztatzen da ezinbestean. Gizarte mugimendu berriak, hain zuzen ere,
ohiko tradizio intelektualen birmoldaketaren testuinguruetako bat izan dira
Beranduko Modernitatearen gizarteetan. Beste era batera adierazita,
kulturgileek tradizio intelektualak birdefinitu eta aldatu dituzte euren
interes berrien arabera eta, horrela, beste tradizio batzuei ateak ireki
dizkiete gizarte mugimendu berrien barnean.
167 Ikus Hirugarren Ataleko 1.1. azpiatala.
409