kulturgileak gizarte mugimenduetan - Euskara

What movement intellectuals do, then, is to articulate (and project) the
knowledge interests of social movements at the same time as they are critizing
society or the social issues, thus projecting their own needs and criticisms on to
a reconstructed social force. What separates the classic movement intelligentsia
from its contemporary reinvention is that the movement appropriated is its own,
i.e., is a movement of intellectuals and intellectual labour (Eyerman, 1994: 197-
198).
1. Gizarte mugimenduei buruzko interpretazio
teorikoak
1.1. Ikuspegi klasikoak
Gaur egungo kulturgileari gizarte mugimenduetan esleitzen zaizkion
eginkizunak nekez hauteman daitezke lehenago ez bada aditzen gizarte
mugimenduak eurak nola ulertu diren gaurko teoria sozialean. Gizarte
mugimenduei buruzko azterketa garaikideen aurrekariak aurkitzeko XIX.
mendean masen egintza aztertzen zuten pentsamendu tradizioetara jo behar
dugu. Tradizio garrantzitsuenen artean, XIX. mendeko masen jokabide
irrazionalak azpimarratzen zituzten teoriak dauzkagu. Teoria horiek langile
mugimenduaren aurkako tresna politiko-intelektual modura erabili izan
ziren maiz. Pentsamendu ildo horretan, XIX. mendeko pentsalari batzuk
izututa agertu ziren masa fenomeno berrien aurrean. Izan ere, uste zuten
iraultzak, istiluak eta masen egintzen bestelako adierazpenak gizarte
ordenarako mehatxuak zirela. Hala, Ilustrazioaren aurkako ikuspegi
kontserbadorean kokatutako hainbat autorek susmatzen zuen ezen europar
gizartea, zibilizazio maila gero eta gailenagoetara iritsi beharrean, krisi
gero eta sakonagoan murgilduta zegoela. Haien iritzitan, bilbe sozialean
hedatzen ari ziren gertakariek kalte nabarmena eragiten zuten:
indibidualismoa, moral tradizionalaren gainbehera, hiri degradazioa,
330