kulturgileak gizarte mugimenduetan - Euskara

gizarte sistema inbaditu duten indarrak —razionaltasun instrumentalaren
eta kultura menderatzearen molde berriak— utzi beharko ditu estalkirik
gabe “bizitzaren politikaren” barneko autonomia egitasmoak aurrera
bultzatu ahal izateko. Zeregin horretan, tokian tokiko eginkizun
mugatuagoak hartu arren euren gain, kulturgile eredu zenbaitek euren lan
sinbolikoak jasoko dituzten jarduera guneak aurkitu ditzakete gaur egungo
gizarteetan ere. Agian ezin izango dute jardun behinolako aginte
mailarekin. Agian beste agertoki sozial batzuk baliatu beharko dituzte.
Baina, nabarmendu nahi dugu, orain arte deskribatu dugun gaurkoa
bezalako krisi egoera batek tradizio intelektual batzuen beherakadarekin
batera, aurreko ereduen birdefinizioa, egokitzapena baita tradizio berrien
sorrera ere ahalbidetzen duela. Hala, testuinguru berriaren sorrerak, kultura
jardunerako aukera baldintzak finkatzean, kultura esparruaren
konfigurazioa aldatzen du.
5.2.2. Politikaren eta kulturaren artean: gizarte mugimendu berriak
jarduera intelektualerako gune modura
Kultura esparruaren eta tradizio intelektualen berreraikuntza
testuinguru sozialaren aldaketaren araberakoa izan ohi da, halabeharrez.
Hori horrela izanik, testuinguruaren azterketak, esparru
soziopolitikoarenak, alegia, tradizioaren asmaketa berriak hartuko duen
norabidea erakutsi liezaguke. Lehenago adierazi den moduan,
politikagintza eredu berrien arabera gizartean diharduten aktore politikoak
ditugu gaur egun, besteak beste, gizarte mugimenduak. Baina, gizarte
mugimendu berriak aktore politikoak ez ezik aktore soziokultural
garrantzitsuak ere badira egungo gizartean. Hala, egintza kolektiboa
bideratzen duten eragile kultural eta politiko gisara eratu dira Beranduko
324