kulturgileak gizarte mugimenduetan - Euskara

ereizketa progresiboa kultura eragileek berariazko baliabide kulturalak
metatu zituzten heinean gauzatu zen.
Kultura esparrua harremanezko gunea da, giza eragilez, erakundez
eta haien arteko harremanez osaturikoa. Kulturgileak baliabide urri eta
baliotsuen alde lehiatzen dira bertan. Baliabide kulturalen banaketa
asimetrikoak ezartzen ditu kulturgileen kokapen objektiboak esparruan.
Haren barnean batzuk intelektual garrantzitsuak dira, beste batzuk, aldiz,
intelektual izan guran aritzen dira norgehiagokan. Den-denek, baina,
partekatzen dituzte esparruaren interesak eta grinak —kulturarenak,
alegia—.
Harremanezko ikuspegi horrek behin betiko saihesten du
intelektualen definizio positibisten auzia azterketa soziologikoan. Izan ere,
nor den intelektuala eta nor ez, nork betetzen dituen “benetan” beharrezko
ezaugarriak eta nork ez, nork ordezkatzen duen une bakoitzean
intelektualaren esentzia eta nork ez: eztabaida horiek kulturaren esparruan
etengabe lehian dauden edukiak izan ohi dira, mundu sozialean lehian
dauden bezalaxe gizarte errealitateari buruzko beste hainbat definizio.
Hartara, intelektualei buruzko azterketak ezin du helburutzat hartu
intelektualaren behin betiko definizio arau-emailerik eskaintzea. Aitzitik,
kulturgilearen definizioa bera aztertu nahi den problemaren osagaia dela
ulertu behar da.
Kulturaren esparruan sartu ahal izateko gaitasun espezifiko batzuk
eduki behar dituzte gizarte eragileek. Esan nahi baita, kulturaren
unibertsoak zentzua hartzen du gizaki jakin batzuentzat gizaki horiek
baliabide zehatz batzuen jabe direnean. Baliabide kulturalen erdiespenak,
jakina, prestakuntza prozesuak behar ditu. Baina, eduki esplizituen jabetze
674