kulturgileak gizarte mugimenduetan - Euskara

txertatuta daude hizkuntza kapitalari dagokionez. Elkarrizketetan
gogorarazten denez, euskararen egoerari buruz ikusten dituzten hutsuneak
nabarmenak izan arren, akademiko euskaldunak botere harremanezko
baldintza desegokietan bizi dira eta behartuta egoten dira, behin baino
gehiagotan, unibertsitate egituretara makurtzera.
Klaro, tartean daudenak irakasleak gara, ikerlariak eta guzti horiek, ezta?
Bueno, badugu ahots bat ere. Igual ez nahi bezain potentea edo, baina bueno,
erantzukizuna ere badugu. Baina, aldi berean, gehienek bizi egin behar dugu
eta, ordun, burua makurtu beharko dugu baldintzen aurrean aurrera egin ahal
izateko edo bizi ahal izateko edo duin ibili ahal izateko, ezta? (3. Elkarrizketa).
Elkarrizketatuek esandakoaren haritik, akademiko euskaldunaren
egoera zeharo paradoxikoa da, gizartean pribilegioz hornitutako eragile
soziala den arren, unibertsitatean mendeko egoera nozitzen duelako
kokapen sinbolikoari dagokionez. Hala, alde batetik, akademikoa
kontzientea da bere lanak habitus berezi bat eskatzen duela eta bere
lanbideak kokapen berezia daukala gizartean. Are gehiago, jakitun dago
kultura esparruko kide gisa estatus pribilegiatua egozten zaiola kulturgile
akademikoari, ekonomikoki aparteko saririk jasotzen ez badu ere. Hartara,
badaki bere ordaina guztiz sinbolikoa dela.
Unibertsitarioa, unibertsitarioa izateagatik, nire ustez, lanbide berezia da. Bere
buruarekiko konpromisoa hartzen du bere gaitasuna ahalik eta goren
mailaraino eramateko. Ez dakit hori konsagrazioa den edo beste motatako
ekitaldi mistiko erlijiosoa den (…) Unibertsitario izateagatik (…) hemen sozialki
oso estimatuak gara, baina gero ekonomikoki eta hori ba hutsaren hurrengoa
gara (…) Jende askok unibertsitatean sartu nahi du horregatik. Niri behintzat
hori iruditzen zait. Ez da nire kasua, ni beste kasualitate batzuk ekarri ninduten
unibertsitatera. Baina ikusi izan dut batzuetan unibertsitario izaerak
badakarrela hori (…) Unibertsitarioak geletatik edo laborategietatik ateratzen
denean gizartearen aurrean hori badu, beraz, konsagratua dago (…) Formalki
esaterakoan, gizartearen aurrean unibertsitateko kidea izateak estatusa
badauka, estatus soziala. Beraz, badu. (8. Elkarrizketa)
652