kulturgileak gizarte mugimenduetan - Euskara

desitxuratu egiten du gaur egungo kulturgileen egoerari buruzko azterketa
ahalegin oro. Eta, maiz, denborazkanpoko kulturgile unibertsalista eta
egiaramailearen defentsak halako distortsioak eragin ditu.
Horrenbestez, Modernitatearen filosofiaren aldarrikapena ezin da
aitzaki izan aldakorrak diren baldintza sozial eta historikoetatik
aldendutako intelektualaren eredu ideala mantentzeko, unean uneko gizarte
zirkunstantziek ematen baitiote zentzua tradizio jakin bati. Onartuta
emantzipazioa eta ilustrazioa ordezkatzen duen tradizio intelektual bat
dagoela ere, Saidek gogorarazten digun moduan, balio horiek ezin dira
abstrakzio gisa ulertu, ez dira edozein baldintzatan zerbitzatzen diren
urruneko jaungoikoak eta.
Las representaciones del intelectual —las ideas que él/ella representan y la
forma de representárselas a una audiencia— están vinculadas siempre y así
deben permanecer, a una experiencia permanente en la sociedad, experiencia de
la cual forman parte (Said, 1996: 117).
Hargatik, ez dauka zentzurik XXI. mende hasieran denboraz
kanpoko intelektual eredu baten ideiari eustea, gizarte gorabeherek kutsatu
gabeko espazio unibertsalean bizi bailitzan kulturgilea. Ikusmolde hori
Bendak aspaldi aldarrikatu zuen idealari hurbiltzen zaio, ez gizarte
historiko aldakorrari. Izatez, Bendak izaera egonkorra egozten zien bere
ustetan apaiz balioak zirenei: zuzentasuna, egia eta arrazoiari. Uste zuen
toki eta denbora aldaketak gorabehera, irmo gorde behar zirela beti aipatu
balioak (Benda, 1975). Gisa horretako ikusmoldeak, baina, gizartetik eta
historiatik kanpo kokatzen zuen esparru intelektuala, jaungoikoen eremu
mitifikatu batean nonbait.
Arestian adierazi den legez, Beranduko Modernitateko
intelektualaren krisiari buruzko diagnostikoak kulturgileek denboran zehar
315