kulturgileak gizarte mugimenduetan - Euskara

gaitasunok ahalbidetu dituzten gizarte baldintzak estaltzen dituzte.
Hezkuntza erakundeen eragin ezkutua, bestalde, handiagoa da zenbat eta
luzeagoa eta elitistagoa izan haren barnean egindako egonaldia.
Hartara, oinarri oinarrian bizibaldintzak diren kulturaren baldintza
ahalbideak gune ikusezinean geratzen dira gehienetan. Bere azterketan
kulturgileak gutxitan hartzen ditu aintzat azterketaren beraren aukeraren
posibilitateak: lanaren munduari dagokionez, premien eta helburu
praktikoen neutralizazioak askatasun erlatiboa eskatzen du, ekoizpen
“seriotik” at jarduteko aukera, muturreko gabeziari lotutako esperientzia
negatiboetatik babesa; labur adierazita, jarduera intelektualak pribilegioa
exijitzen du.
Eskolak, hain zuzen ere, gizarte premietatik at —bereziki
produkzioaren mundutik at— dagoen unibertso paradigmatikoa osatzen
du. Eskola esparruari dagokion habitusa zeregin intelektualei itsatsita dago.
Ildo horretatik, eskolaren barnean eskuratutako gaitasun eskolastikoek
luzaroan iraun dezakete, haien erabileraren aukerak desagertu ondoren ere
—esaterako, lan munduan sartzearekin batera—. Gizarte eragile batzuek,
jakina, bazterrean utzi behar izaten dituzte eskolarenak berezkoak diren
disposizioak produkzioaren munduan sartzen direnean. Haatik, gaitasunok
berriz ere eguneratu eta gauzatu egin daitezke gizakiak kulturaren
esparruetan murgiltzeko aukera duenean, batik bat, eskolaren unibertsoari
loturiko eremuetan, esparru akademiko-unibertsitarioan eta esparru
zientifikoan, esaterako. Zalantzarik gabe, osorik burutzeko baldintzarik
egokienak aurkitzen dituzte gaitasun eskolastikoek gune horietan.
Eskola ikasketetan gertatzen den bezala, kulturaren esparruetan ere
egoera errealen antzekoak diren erronkak, frogak eta arazoak proposatu
156