kulturgileak gizarte mugimenduetan - Euskara

Kuhnen “Iraultza zientifikoen egitura” lanak, adibidez, orientabide berria
ekarri zuen zientziari buruzko azterketetara (Kuhn, 1980a; Kuhn 1980b);
ekarpen horrek eragin handia izan zuen soziologiaren esparruan zientzia
gizarte instituzio modura aztertzen zuten soziologoengan —Mertonek
zuzendutako eskolan, esaterako—. 111 Harrezkero, ezagutza zientifikoaren
soziologien barruan bereizi zen lehen korronte garrantzitsua 70eko
hamarralditik aurrera garatu zen Strong Programme gisara ezagututako
proiektua dugu. Oinarrian, ezagutza zientifikoaren ekoizpenean eta haren
baliotasunaren egiaztatze prozesuetan parte hartzen duten gizarte eraginak
aztertzen ditu, printzipio filosofiko, historiko eta soziologiko multzo batetik
abiatuz. Programa horren arabera, zientzian ohikoa izan den egiazko
ezagutzaren ideiaren ordez sozialki onartutako sinesteen ideia nagusitzen
da. 112 80ko urteetatik aurrera beste ikusmolde batzuk ere landu dira
soziologiaren esparruaren arloan. Lan ildo berriak asko izan dira:
laborategiko bizitza azterketak 113 , programa erlatibista eta eztabaida
zientifikoen azterketa 114 , lan zientifikoaren ikusmolde etnometodologikoa,
diskurtsoaren azterketa eta erreflexibitatea 115 eta aktore-sarearen teoria 116 .
Modu batera edo bestera, lan horiek guztiek jarduera zientifikoaren eta
haren emaitzaren —ezagutza zientifikoaren— izaera soziala nabarmendu
dute. 117
Itxura batean hala badirudi ere, zientziaren oinarriak ahuldu dituzten
saioak ez dira modu arbitrarioan sortu. Aitzitik, zientziaren garapenak
111
Ikus Merton, 1977; Torres Albero, 1994.
112
Ikus Bloor, 1976; Barnes, 1977, 1980, 1987, 1995.
113
Ikus Konrr-Cetina, 1981; Latour eta Woolgar, 1995; Woolgar, 1995; Latour, 1995b.
114
Ikus Collins, 1992, 1995; Collins eta Pinch, 1996.
115
Ikus Woolgar, 1988, 1991; Mulkay eta Gilbert, 1995; Knorr-Cetina, 1995; Lynch,
Livingston eta Garfinkel, 1995.
116
Ikus Latour, 1992, 1995a.
117
Gai horren inguruko ikuspegi orokorra izateko, ikus González de la Fe eta Sánchez
Navarro, 1988; González de la Fe, 1993; Luján, 1993; Lamo de Espinosa, González
García eta Torres Albero, 1994; Iranzo et al., 1995; Iranzo eta Blanco, 1999.
288