DEEL 2 Reïnkarnasie - Ja of nee? - Nuweopenbaring

"Ek het julle nodig" - Die sorg van die Huisvader vir
Sy knegte
5085 16 Maart 1951
Ek het julle nodig. Die nood op aarde is reusagtig groot en kan slegs
opgehef word met julle medewerking, omdat Ek nie met My Almag kan
inwerk op die siele van die mense nie, maar hul vrye wil moet aangespoor
word, waarmee julle moet help. Die nood is groot en Ek het maar weinig
medewerkers op aarde wat hierdie geestelike nood wil teëgaan. Hierdie
weiniges staan onder My beskerming, hulle word deur My Vaderliefde met
sorg omring en sal nooit sonder beskutting wees nie.
Sou julle weet hoe Ek julle geestelike arbeid waardeer, dan sou julle nie
meer die minste twyfel gehad het oor My Vaderlike sorg vir julle nie. Julle
sou geen oomblik bang wees nie, maar vol vertroue steeds hulp verwag in
aardse nood. Want julle moet die geestelike arbeid ononderbroke verrig.
Dus sal Ek ook daarvoor sorg dat julle dit kan verrig, want van hierdie
arbeid van julle, hang vir baie siele die hulp af wat hulle andersins nie
gebring kan word nie.
Die arbeid vir My en My ryk word op aarde maar baie ongeërg uitgevoer,
want selde word die geestelike nood in Sy hele totaliteit begryp. Maar
weinig mense het insig, slegs weinig mense ken die sin en die doel van die
aardse lewe en die sin en doel van die skepping. Maar min mense is
daarom in staat om aan hul medemens dié kennis te verkondig en daarom
kan min mense ware verkondigers van die evangelie wees, want by dié
amp is dit noodsaaklik dat die verkondiger self in dié kennis vasstaan.
Daaruit sal julle nou kan aflei dat Ek uiters sorgsaam waak oor diegene wat
vir so ‘n verkondigersamp bruikbaar is, omdat hulle dié kennis van Myself
in ontvangs geneem het. Die reeds misvormde leer is nie ten volle geskik
as reddingsmiddel vir die dwalende siele nie, slegs die suiwer waarheid kan
aan hulle profyt oplewer. Slegs die suiwer waarheid is die middel om die
geestelike nood op te hef. En wie nou deur sy wil en sy liefde tot My ‘n
draer van die waarheid geword het, is vir My ‘n troue medewerker, wat Ek
waarlik nie wil verloor nie, omdat Ek ook die hoeveelheid dwalende siele nie
sou wil verloor nie, maar hulle nog terug wil wen voordat dit te laat is.
Ek het julle, My medewerkers op aarde nodig en Ek sê julle dit steeds weer,
dat Ek My draers van die lig vir My diens op aarde oplei omdat hulle in My
plek "die ryk van Jesus" onder die mense moet oprig, dat hierdie draers
van die lig egter ook in My diens staan en dus ook deur My, hul Meester, op
elke manier versorg word.
Wie dus vir My werk, moet geen aardse sorg vrees nie en hom in volle
geloof aan My toevertrou. Hy moet as ‘n kind na sy Vader opsien en altyd
seker daarvan wees dat hy ook as ‘n kind deur sy Vader behoed word. En
die sterkte van sy geloof sal hom rus gee ook in elke aardse nood, wat Ek
sal ophef as die tyd daar is. Amen
10