DEEL 2 Reïnkarnasie - Ja of nee? - Nuweopenbaring

onophoudelike toevloei omdat hulle alle weerstand op gegee het deur die
onuitspreeklike geluksalige gevoel wat die straling van lig op hulle uitoefen.
En ‘n volkome sekere gevolg daarvan is nou, dat hulle die lig deurgee om
ook ander siele daarmee gelukkig te maak. Lig is egter Wysheid, insig in
die waarheid. En die lig word hul gebring deur My woord wat onvermoeid
van My uitgaan as ‘n straling van liefde, wat alle wesens in die oneindigheid
kan aanraak, maar alleen waar dit weerklank vind en waar geen weerstand
is nie.
Wesens met die hoogste sielsvolwassenheid kan dit direk ontvang,
swakkere wesens daarteen moet dit weer van hulle aanneem, maar steeds
beteken My woord lig. En steeds verwek My woord saligheid, maar alleen
by die wesens wat na lig verlang, om welke rede elke mens op aarde wat
My woord verkondig omring is deur wesens wat na lig verlang. Tog sal
alleen die suiwer woord lig uitstraal in die duisternis en die suiwer woord
word weer alleen maar ontvang van God Self. Ek Self bring dit na die aarde
toe om orals ligstasies te skep, wat die siele kan gee wat hulle nodig het en
wat hulle verbly.
Dit is onbelangrik of hierdie ligsenders in die geesteryk of op die aarde
gevestig is, want orals straal dieselfde lig, die EWIGE waarheid uit My. Dog
‘n ligstasie op aarde word baie deur die siele in die hiernamaals opgesoek,
wat hulle nog nie in die geesteryk kan oriënteer nie, wat hulle nog meer in
die nabyheid van die aarde hou. Maar hierdie siele is in die meerderheid en
vir baie beteken die ontvangs van My woord die enigste redding. Vir hulle is
dit ‘n ongewone hulp, waarvoor hulle julle nie dankbaar genoeg kan wees
nie. En daarom is hierdie verloste siele dan buitengewoon aktiewe helpers
in die geesteryk, wat My sonder ophou loof en prys en ‘n ware oproer
veroorsaak in die duistere gebied, omdat hulle nie rus tot hulle die siele
oorgehaal het om hulle te volg daarheen, waar ook op hulle ‘n ligskynsel sal
straal.
Hul verlossende werk neem eindelose afmetings aan, want My woord het ‘n
geweldige krag, wat julle mense op aarde nie kan insien nie. Maar julle
moet julle skaar om die BRON wat Ek Self vir julle ontsluit het, omdat julle
met lig deurstraal al gou kan ingaan in die geesteryk, wanneer julle hierdie
aarde moet verlaat. Sodat julle dan weer kan uitdeel en so konstant julle
saligheid verhoog. Amen
Waarskuwing om nie ondeurdag te handel en te
praat nie – Werkers van God
6425 4 Desember 1955
My barmhartigheid laat julle aanmanings en waarskuwings toekom, omdat
julle My Liefde besit en omdat julle opmerksaam gemaak moet word op
gevare wat julle regstreeks te wagte staan, wanneer julle nie oplettend is
nie.
378