DEEL 2 Reïnkarnasie - Ja of nee? - Nuweopenbaring

tot nadenke te bring, want ook onder hulle is nog swak, besluitelose mense
wat op ‘n kruispad sal beland en nie weet waarheen hulle hulself moet
wend nie. En hulle moet die weg gewys word. As hulle die weg wil gaan dan
is hulle salig te prys. As hulle dit egter oor die hoof sien, het hulle nogmaals
met moeite die barmhartigheid gekry dat ‘n leier hulle aangespreek en
hulle op die goeie weg probeer bring het.
Want in hierdie tyd kan nie anders as met die swaard van die mond gestry
word nie en hoe oortuigender My verteenwoordigers op aarde spreek, des
te meer sal hulle die wen wat nog vyandiggesind is.
En dit is ook volgens My wil dat julle julself daarom innig met My moet
verbind, omdat Ek Self nou deur julle sal kan spreek tot hulle wat Ek nog
vir My wil wen.
Ek weet dat die tyd sal kom waarin dit uiters moeilik sal gaan, waarin julle
bomate verdruk sal word en julself sal moet verantwoord. Maar dink
daarom aan My Woorde dat julle julself nie angstig sal mag afvra wat julle
moet spreek nie. Laat julle gelowig oor aan My en My werk en julle spraak
sal wys wees, sodat geeneen van julle teenstanders iets daarop sal kan
antwoord nie. Julle wat My wil dien, het geen vyand te vrees nie. Want julle
stry vir My en aan My sy en Ek lei julle waarlik ook tot die oorwinning.
Amen
God in Jesus
6098 4 November 1954
Ek wil ‘n waaragtige leraar en raadgewer vir julle wees en julle lei op die
weg na voleinding.
Maar dit moet julle wil wees om My aan te neem en te erken as julle leier
en leraar, omdat My onderrig andersins sonder uitwerking sal bly en julle
geen stap vooruit sal kom in julle ontwikkeling nie. Wanneer Ek julle nou
tegemoet tree in Jesus, tot Wie julle jul met julle volle hart moet bekeer,
dan word julle tegelykertyd die ware weg gewys, want alleen Jesus voer die
weg na dié doel.
Dit is onmoontlik om ‘n verbinding met God tot stand te bring sonder die
erkenning van Jesus, omdat slegs in Hom Ek Self gesoek en gevind kan
word omdat daar naas Jesus geen ander God is nie. En die groot nood op
aarde bestaan daaruit, dat die mense My as die ware afwys, dat hulle nie
wil weet en glo dat die ewige Godheid, die alles vervullende krag, Hom in
Jesus manifesteer wat nou egter ook erken wil word, dat Ek hulself in Jesus
tegemoet tree, as die geloof in My van hulle verlang word.
En steeds sal julle in hierdie kennis onderrig word, dat julle in die waarheid
onderrig word. Elke ander voorstelling van My, van die ewige Godheid, kom
nie ooreen met die waarheid nie. En tog word ander voorstellinge baie
makliker geglo en daarom gaan die mensdom op verkeerde weë, gaan hulle
nie die weg langs Golgota nie, gaan hulle nie die weg wat Ek as die Mens
298