DEEL 2 Reïnkarnasie - Ja of nee? - Nuweopenbaring

My eers te gesien het en hulle sal My daarom ook in alle glorie sien voordat
die definitiewe einde gekom het.
Wat Ek aankondig sal vervul word, Ek sal weer kom en julle sal dit belewe.
Nog glo julle nie dat die tyd so naby is dat julle die verskrikkings, dat
hierdie aarde vernietig sal word deur My toelating, sal moet meemaak nie.
Nog glo julle nie dat die voorspellings deur sieners en profete vir die
teenswoordige tyd geld nie, dat julle, mense van die teenswoordige tyd,
groot dinge sal beleef wat geen mens hulle kan voorstel nie, omdat so-iets
op hierdie aarde tot nog toe nie te siene was nie. Maar met afgryse en
ontsteltenis sal die mensdom spoedig die gebeurtenisse, wat ‘n spoedige
oplossing van die aarde geloofwaardig sal maak, volg en dan gaan dit baie
vinnig die definitiewe einde tegemoet.
Maar My uitverkorenes sal die tyd deurstaan, omdat dit My wil is, omdat
ook hierdie tydperk getuies nodig sal hê, moet hulle uitgekies wees om van
hierdie gebeurtenisse te vertel, sodat My mag en heerlikheid geopenbaar
kan word onder die nakomelinge van die geslag op die nuwe aarde. Want
dit moet as ‘n oorlewering behoue bly vir die nakomelinge, omdat daar
weer ‘n tyd sal kom waarin die sonde die oorhand sal kry en Ek nie meer
eerbiedig sal word nie. Dan sal hulle ‘n getuienis, ‘n vermaning en
waarskuwing wees vir die mense wat dan lewe, watter noodlot diegene sal
tref wat My heeltemal sal vergeet. Dan sal melding gemaak word van die
ondergang van die ou aarde en die laaste oordeel wat beslis het oor lewe
en dood, oor geluksaligheid en verdoemenis. Amen
Die pilare van die kerk van Christus - Arbeid in die
wingerd
5131 14 Mei 1951
Ek trek julle steeds tot My uit suiwer liefde. Ek weet sedert ewigheid wie sy
weerstand teen My opgee en wie Ek daarom as instrument kan gebruik om
My te dien in die tyd van die einde. Julle ken die uur van die einde nie, nog
hou Ek ‘n sluier gesprei oor alle dinge op die aarde. Maar julle My getroues,
moet op hoogte wees van My heilsplan. En as dit nodig sal wees sal Ek julle
ook die tyd aangee, sodat julle tot seën van julle medemens julle kennis
kan gebruik sonder om hulle daarvan in kennis te stel. Want die kennis van
die dag en uur sal hulle skade doen. Alleen ingewydes, My troue toegeneë
dienare kan Ek opmerksaam maak oor die dag van die einde, maar ook vir
hulle op ‘n wyse wat hulle nie sal skaad in hul geloof en wil nie.
Daarom beproef Ek eers die harte van My dienare. Ek gee hulle egter ook
die krag om elke beproewing te deurstaan en so sal die weinige tevoorskyn
tree wat My by die einde nog groot dienste sal verleen en wat ook daartoe
in staat is.
Ek ken julle harte, Ek ken julle wil en Ek kom julle tegemoet met dit wat
julle begeer, nl. lig en krag. Daardeur sal julle sterk pilare van My kerk op
21