DEEL 2 Reïnkarnasie - Ja of nee? - Nuweopenbaring

ernstig daarna streef om die heil van julle siele te bereik, julle nie onder die
groot massa bevind nie, julle sou julle daarvan afsonder en ‘n weg soek wat
‘n ander rigting het. Julle sou ag slaan op die bode wat met ‘n lig vooruit
gaan om julle die weg te verlig, julle sou julle nie laat tevrede stel met
holle frases nie, julle sou wyse onderrigting verlang wat julle ‘n ware lig
gee. Julle sou self nadink en ‘n steeds helderder lig ontvang.
Skud julle sorgloosheid af waar dit om die heil van julle siele gaan. Laat nie
ander vir julle sorg nie, want vir julle siele dra julleself die verantwoording,
wat niemand julle kan afneem nie. Probeer self met God in verbinding te
kom, kies Hom tot julle Leidsman en maak julle los van hulle, wat glo dat
hulle op aarde Sy verteenwoordigers is, want die regte verteenwoordigers
van God sal julle altyd alleen maar wys om die verbinding met God tot
stand te bring, Die valse verteenwoordigers wil julle egter die
verantwoording afneem en verlang van julle alleen blinde gehoorsaamheid
en vervulling van die deur hulself uitgevaardigde gebooie.
Wil julle salig word, dan moet julle ook die weë gaan wat na die saligheid
lei. Julle moet God bid dat Hy julle die regte weë aanwys en julle die krag
gee om daarop te gaan, as dit opwaarts voer. En God sal julle die regte
leiers stuur, Hy sal julleself trek en julle sal dan die regte doel bereik. Amen
Die strewe na geestesgawe - Die kenmerk van die
kerk van Christus
6551 20 Mei 1956
Julle moet ywerig strewe om die gawe van die Gees te verkry, want dit kan
julle nie geskenk word nie. Julle moet dit verwerf deurdat julle julself
geskik maak vir die werksaam wees van My Gees in julle. Glo nie dat dit
julle gegee kan word as julle geen arbeid aan julle siele verrig het nie,
wanneer julle wese hom nie sodanig verander het dat julle siele tot liefde
geword het.
Julle siele moet ‘n sekere graad van volwassenheid bereik het voordat My
Gees in julle kan werk, die graad van volwassenheid vereis van julle ‘n
vaste wil om op aarde geheel en al na My gebooie te lewe, dit vereis
selfoorwinning, ‘n onselfsugtige dien van die naaste en om volledig na My
toegekeer te wees. Dan eers kan Ek My Gees op julle uitstort en kan die
mens die gawe ontvang waarvoor hy in die besonder geskik is en wat sy
verdere arbeid vir My en My ryk bepaal.
Almal kan die gawe van die Gees deelagtig word, want almal is geroep om
ywerig mee te werk vir My ryk. Maar slegs weinig is uitgekies, want slegs
weinig vervul die voorwaards verbind aan die werk van My Gees. Slegs
weinig neem dit met die arbeid aan hul siele so ernstig, dat hulle hul vorm
tot ‘n opnamevat van My Gees en slegs weinig kan Ek daarom toerus met
die gawe van die Gees.
419