DEEL 2 Reïnkarnasie - Ja of nee? - Nuweopenbaring

geskik om julle ‘n buitengewone geestelike volwassenheid te verskaf maar
dit doen ook ‘n beroep op al julle kragte. Want hoe nader die einde kom,
des te onwesenliker sal julle alles, wat eintlik werklikheid is, voorkom en
des te meer word die geloof bestry en My naam belaster. Maar as julle
julself ernstig voorberei staan julle bo alles, want sodra julle tot die
wetendes behoort kan julle geloof nie meer aan die wankel gebring word
nie. Die “kennis” is egter ‘n gevolg van die liefde en daarom moet julle
moeite doen om in liefde te lewe, want daarmee berei julle julself die beste
voor op die einde.
Dit is My raad wat julle waarlik nie ongeag mag laat nie. Leef dus in die
liefde en julle sal lig en krag ontvang in so ‘n mate, dat julle altyd
weerstand sal kan bied teen dit wat julle in die eindtyd sal oorkom. Niks
kan julle dan ongeskik maak vir die laaste stryd nie. Berei julle dus voor en
aarsel nie want julle gaan die einde tegemoet en hierdie verlossingsperiode
word beëindig omdat dit nie anders kan nie, volgens die orde van ewigheid.
Daar moet ‘n verandering intree sodra daar geen sukses meer te behaal is
met die geestelike ontwikkeling van die mensdom nie.
Daar is nou geen geestelike oplewing meer te vind by die mense nie en nog
slegs heel weiniges strewe na die lig. Maar hierdie weiniges het Ek ‘n nuwe
doel berei, wat egter eers sal begin as die verandering van die aarde hom
voltrek het.
My klein kudde word nog eenmaal deur My aangespoor tot ywerige
sielearbeid, want die laaste groot stormloop staan voor die deur. Die laaste
stryd sal begin en daar sal gewapende stryders te vinde wees wat met My
ten stryde trek en daarom ook sal seevier. Want hulle sal seker in die einde
“triomfeer” oor die teenstander en sy aanhang. Amen
Die gang van die sielspartikeltjies in die materie –
Bewustelike werk aan die siel
5198 26 Augustus 1951
Onder materie is geordende geestelike substansie te verstaan, wat weer
geestelike substansie in sigself berg wat veronderstel is om die
ontwikkelingsgang te gaan, volgens die heilsplan van die Ewigheid. Hierdie
geestelike substansies, wat deur die materie as ‘n uiterlike omhulsel
gevange gehou word, verenig hulself tydens die ontwikkelingsgang met
steeds gelyke substansies en kan beskou word as sielspartikeltjies wat
weer die afsonderlike skeppingswerke lewe gee.
In elke skeppingswerk, hetsy die vaste materie, die plante- of diereryk, is
dus sulke sielspartikeltjies aanwesig, wat hulself ook weer wil aaneensluit
om dan ‘n geheel te vorm in ‘n nuwe uiterlike gedaante, wat steeds meer
en meer ooreenkoms kry met die menslike vorm.
‘n Eindelose lang tyd verloop tot alle sielspartikeltjies die hele skepping
deurloop het en saamgekom het om nou, as menslike siel, weer ‘n uiterlike
49