DEEL 2 Reïnkarnasie - Ja of nee? - Nuweopenbaring

al My genadegawes moet alleen dit bewerkstellig dat julle tot liefde word.
Want al sou Ek julle alles wil skenk, sonder die liefde bly julle nogtans
dood, sonder die liefde bly julle wesens wat onder die wet val, julle bly dan
altyd alleen maar My skepsele, maar kan so nooit My kinders word nie.
Eers die liefde bring die vergoddeliking van My skepsele tot stand, eers die
liefde kan ons verenig, omdat julle anders altyd alleen maar buite My as
geïsoleerde wesens ‘n ongelukkig bestaan lei. En daarom is die eerste en
vernaamste gebod: “Het God lief bo alles en julle naaste soos julself” En
van die vervulling van die gebod hang julle geestestoestand af, reeds hier
op aarde en later in die ewigheid. Daarom gee Ek My disipels die opdrag
om uit te gaan in die wêreld en die mense My Goddelike liefdesleer te
verkondig, daarom leef Ek Self die mense op aarde ‘n lewe in liefde voor en
beseël hierdie liefdeleer van My met die dood aan die kruis, wat Ek vir die
medemens ondergaan het uit oorgrote Liefde, omdat Ek hul onafsienbare
nood sien en hulle wil help.
En solank julle, mense hierdie gebooie van My ongeag laat, kan julle die
saligheid nie bereik nie, al sou julle julself nog so diep verootmoedig en
julle voor My in die stof werp, My om erbarming smeek. Ek het julle lief
met ‘n on oortreflike Liefde en Ek wil julle almal vir My wen. Maar alleen in
die liefde wat deur julle beantwoord word bestaan My saligheid en hierdie
moet julle My vrywillig skenk. Die verlange na My moet die rede wees van
julle bede om erbarming omdat julle My liefhet, omdat julle insien op welke
verre afstand van My julle julself nog bevind.
Julle moet probeer om met My in kontak te kom, julle moet wil dat julle
met My verenig word en daarom moet julle in die liefde lewe, anders kan ‘n
vereniging nooit plaasvind nie. Bedink dat julle die ewige Liefde self met
alle dade van liefde tot julle trek, dat dit egter nie in julle harte kan in kom
as hierdie nog geheel teen die oerwese van God gerig is nie.
Alleen deur die liefde verenig julle julself met My. Daaraan moet julle dink
en die gebod van die liefde as die allervernaamste probeer vervul, julle
moet weet dat sonder liefde geen mens salig kan word nie. Amen
Die Gees van God werk waar Hy wil
5864 28 Januarie 1954
Die Gees van God werk waar Hy wil, want God alleen weet waar Sy Gees
homself sonder weerstand kan openbaar. Hy alleen weet wie Sy
boodskappe sonder weerstand aanneem en daarvan gebruik wil maak en
Hy alleen weet welke begaafdhede die werksaamheid van Sy Gees toelaat.
Sy wil is dat die waarheid ingang vind onder die mense, waardeur
misvattings en leuens so belig word, dat dit as sodanig deur die mens
herken kan word.
Dit is Sy wil dat die mense die weg tot saligheid leer vind, ‘n weg wat
steeds die Weg van die Waarheid is. Daarom is Hy steeds daarop uit om
234