DEEL 2 Reïnkarnasie - Ja of nee? - Nuweopenbaring

Dit alleen is My wil en My ware verteenwoordigers op aarde moet die
mense aanmoedig om dit te vervul. Dit is die werk in My wingerd wat My
dienaars moet doen: om die mense te laat weet dat slegs ‘n lewe in liefde
hul kan vervolmaak, dat slegs liefde eenheid met My kan bereik. Daarom is
dit belangrik dat wat daar ookal die mense 'as evangelie' aangebied word
geen ander doel moet dien as die verheffing van die mens, sy
'transformasie' tot liefde. Dan doen My dienaars ware wingerd-werk.
Waarom is daar so weinig lig op aarde, hoewel My Evangelie in die hele
wêreld gepredik word? Miskien word meer aandag geplaas op seremonies
as op die preek van My Evangelie? Miskien word die prediking van die
Goddelike leer van liefde as “onbelangrik” behandel terwyl ander
leerstellings eerste geplaas word? En gee die mense miskien meer aandag
aan die later bygevoegde leerstellings en gebooie as aan My oorspronklike
leer?
Dink hieroor na en maak die regte gevolgtrekking! Aangesien Ek die
vervulling van My gebooie van liefde as voorwaarde vir die bereiking van
geestelike volwassenheid gemaak het, aangesien geestelike strewe aardse
nood verminder of dit totaal onnodig maak en aangesien julle nou op aarde
meer lyding as ooit te vore vind, moet daar iets verkeerd wees met die
geestelike ontwikkeling na bo. Van dit kan mens slegs aflei dat die
belangrikste vereiste, om liefde uit te oefen, waaraan Ek die mense bly
herinner, verontagsaam word!
Die evangelie van liefde word nie aan mense gepreek met voldoende
nadruk nie. So daar moet maar weinig ware verteenwoordigers van My
liefdesleer wees, slegs ‘n paar gelowige dienaars wat vir My op aarde werk,
hoewel elkeen glo om in My naam te werk. Teveel aandag word op
voorkoms geplaas en te min op waarheid, waar mense My verkondig en
hulle glo dat hulle dit doen, daar is dood maar geen lewe meer nie, niks
buiten traditionele voorkoms nie, slegs ‘n refleksie van wat eens helder
geskyn het, vol van krag.
Gevolglik is daar geen lewe onder die mense nie, geen bewustheid, geen
waarheid, geen geestelike vooruitgang nie; Al wat oor is, is ‘n ‘verslete
kleed’ wat nutteloos is maar op ‘n oordrewe manier ‘eerbiedig' word. Hulle
is lampe sonder olie, wat valslik aan die mense as 'ligdraers' voorgehou
word, maar onbekwaam is om één enkele ligstraal uit te gee.
Daarom is daar ooral duisternis. Dit is oral geestelike nag. En slegs selde
kry ‘n ware verteenwoordiger van My Koningkryk toegang tot die duisternis
met sy lig, maar hulle lig gaan helder skyn. Hulle sal kan verlig en die
waarheid verkondig: die lig van kennis wat ‘n seën vir elkeen sal wees wat
na lig soek. Amen
223