DEEL 2 Reïnkarnasie - Ja of nee? - Nuweopenbaring

Want alles moet weer die volmaaktheid bereik, waarin dit oorspronklik
geskape was, om as ‘n afsonderlike Ek-bewuste wese, onophoudelik My
toestromende krag kan benut na My wil. Amen
Aandag aan wêreldgebeure
6346 3 September 1955
Julle laat die wêreldgebeure veel meer indruk op julle maak as wat vir julle
goed is, want al julle denke, verwagtinge en begeertes is daarop gerig en
julle vind geen tyd vir ure van rustige besinning nie, wat julself moet
aanpak, sodat julle aandag kan skenk aan die verloop van julle eie
ontwikkeling. Alles sal vir elke afsonderlike mens tot tevredenheid opgelos
word, as hy sy eie vorming op die voorgrond sou wil stel en oortuigend sou
wil glo dat die wêreldgebeure ook Self deur My gestuur word, maar steeds
in ooreenstemming met die wil van die mense en hulle geestelike
gesteldheid.
Wat julle as die vernaamste beskou, is steeds net die gevolg van julle
geestelike onverskilligheid, dit is die gevolg van die lae geestelike vlak van
die mense. Want hierdie onverskilligheid bepaal dat die menslike wil
liefdeloos optree teen die mensdom, soos wat dit egter ook die grondslag lê
vir duidelike onheil en dus ook verontrustende wêreldgebeure, waardeur
die mensdom wakker geskud moet word en aangespoor moet word om te
streef na bo. As die mense maar ‘n bietjie meer op hulle geestelike welsyn
bedag sou wees, dan sou ook aards alles weer geordend word, die mense
moet hulself nie so laat verontrus deur die handeling van ‘n enkeling nie,
want hulle sou dan alles aan My kon voorlê en ‘n verandering aan My
oorlaat. En dit sou werklik nie nadelig vir hulle gewees het nie, hulle sou
ook aards weer in rustige vaarwater gelei word en tog die doel bereik.
En so sal julle nog op baie onheil kan reken wat die aarde te wagte staan,
deels veroorsaak deur die menslike wil, deels deur Myself aan julle
toebedeel, om die rigting van julle gedagtes te verander, om julle met
geweld aan julle einde te herinner, wanneer julle sal sien dat die lewens
van baie mense in gevaar is of uitgewis word, wanneer julle sal moet
ervaar hoe magteloos julself is, wanneer julle julself nie tot die Ewige Een
wend Wie alleen magtig is nie, maar Wie deur julle vergeet word of Wie
julle nie wil erken nie, anders sou julle waarlik die vervulling van Sy Wil ter
harte geneem het en dan ook Sy beskerming geniet het in elke nood en
elke gevaar, selfs wanneer dit vir julle van menslike kant te wagte is.
Leef julle met My, dan skenk julle aan die wêreldgebeure weinig aandag,
omdat julle julself en julle lotgevalle aan My toevertrou, omdat julle My ook
vertrou dat Ek julle sal help. Skakel julle My egter uit julle gedagtes uit,
dan let julle slegs op dit wat My teenstander aanrig, dan hou My
teenstander julself deur die gebeurtenisse, wat sy werk is, in betowering en
julle beland midde in die draaikolk wat julle na onder trek.
358