DEEL 2 Reïnkarnasie - Ja of nee? - Nuweopenbaring

aardse besit of selfs die mense wat julle liefhet is. Julle mag niks bo My
liefhê nie, Ek wil vir julle die hoogste en mees begeerlikste Wese in die
hemel en op aarde wees. Ek wil julle hele hart hê en solank julle dit nog
deel, word die verbintenis met My nog nie gevestig nie, want dit waarvan
julle harte vol is staan tussen My en julle.
Die wil van elke persoon is vry, hy kan hom draai waarheen hy wil, maar sy
doel op aarde sal slegs vervul wees wanneer hy hom na My keer. Maar daar
is groot gevaar in die feit dat die mens baie dinge as wenslik beskou en dat
My teenstander alles vóór sy oë plaas om hom te verhinder om hierdie
innige verbintenis met My te vorm en dat hy ook ekstra gode na die
persoon bring om sy gedagtes van My af te lei, want dit is alles vreemde
gode wat die gedagtes van ‘n persoon oorneem as Ek Self nie die wese van
sy diepste gedagtes is nie.
Daarom moet julle mense ernstig in detail julself ondersoek wie of wat julle
die meeste beweeg, julle moet julself afvra of julle nader aan My is as wat
‘n kind aan sy vader is, of die verbinding met My julle eerste en enigste
doel is en julle alles uit julle gedagtes verdryf het wat tussen My en julle
staan, julle moet My die eerste plek in julle hart gee en geen toegewings
van welke aard ook al maak nie. Want julle terugkeer na My kan slegs deur
die eenwording met My plaasvind en julle moet dit soek en vind uit vrye
wil, omdat niemand anders dit namens julle tot stand kan bring nie. Amen
Die Gerig - Die 'woord self' word tot oordeel
6799 6 April 1957
Julle almal sal julle eens moet verantwoord, hoe julle op My woord ag
gegee het, wat julle deur My Liefde aangebied word. En dit, My woord, sal
julle regter wees. Begryp dit egter reg: Daar sal geen straffende regter
vonnisse oplê nie, maar julleself word alleen daar geplaas, waar julle
volgens julle toestand van volwassenheid tuishoort.
En julle toestand van volwassenheid sal in ooreenstemming wees met julle
lewe op aarde, in ooreenstemming met julle wil hoe julle My woord op julle
laat in werk het. Want of julle het julle innig met My verbind, as gevolg van
My woorde van liefde wat Ek tot julle gerig het, of julle wys dit af en leef
nie daarna nie en so kon julle siele ook geen ander vorm aanneem nie en
kan dan slegs in sfere woon wat ooreenkom met sy gestalte.
Die 'woord self' sal dus regspreek oor julle, want My Liefde gee dit aan julle
en dit moes julle onherroeplik help om volwasse te word, As dit deur julle
aangeneem word. Dog die afwys van My woord is ook die afwys van Myself
en daarom kan op hierdie 'tweede’ afwysing ook slegs ‘n verblyf in donkere
gebiede volg omdat die siel self die lig nie kan verdra nie en voorkeur gee
aan die duisternis.
My woord is lig en wie dit afwys kan ewig nie tot die lig kom nie. Omdat die
wil van die mens egter vry is, bepaal hy so ook vrywillig sy oordeel; nl. die
530