DEEL 2 Reïnkarnasie - Ja of nee? - Nuweopenbaring

sterk is dat dit in sy gloed alle weerstand verteer, dat dit die hele mens in
besit neem en die se siel volledig verander, dat dit hom tot liefde omvorm.
Ek soek steeds kontak met julle en daarom spreek Ek julle aan. Hoor julle
My nou gewillig aan, dan bring ook julle die verbinding met My tot stand en
dan kan Ek die dode weer tot lewe bring. Ek kan julle, wat nog dood is
solank julle ver van My is, die regte lewe gee. My aanspreking moet die
doodse toestand verander, want My aanspreking is ‘n Liefdestraal, wat julle
tot lewe sal wek.
As julle My die geleentheid gee om My Liefdestraal in julle hart te laat skyn,
as julle dit moontlik maak deur gewillig My Woord aan te hoor, dan sal julle
ook heel gou die effek in julself bemerk. Julle word bewus dat julle nie
meer alleen is nie. Julle sal dan na regte die teenwoordigheid van My Wese
bemerk wat julle gelukkig wil maak en julle sal julle sonder teenstand aan
My oorgee, want dit is die uitwerking van My Liefdestraal, dat die
weerstand in julle verminder as Ek die moontlikheid het om tot julle te
spreek en as julle na My Woorde luister. En luister na My Woorde sal julle
altyd, as julle julself ‘n kort tydjie in stilte begeef, as julle in julself inkeer in
gebed of stil nadink oor julself. Dan gee julle My geleentheid om tot julle te
spreek, ofskoon julle aanvanklik nie My Stem herken nie, maar glo dat dit
julle eie gedagtes is.
Ek meng My steeds in julle gedagtes in, omdat My Liefde altyd op julle
gerig is en julle wil omvat wanneer julle stil word en julle blik na binne rig.
Dan luister julle en dan kan Ek tot julle spreek. En hoe bewuster julle die
afkeer van die wêreld beoefen, des te bereidwilliger open julle vir My die
deur van julle hart en des te duideliker verneem julle My Stem, wat julle
antwoord gee op julle vrae en julle so onderrig dat die liefde in julle tot My
ontvlam, omdat julle My dan as ‘n God van Liefde herken sodra julle My
aanhoor, sodra julle julself na binne keer en julle gedagtes na My wend.
Steeds wil Ek met julle spreek, maar selde luister julle na My. Soek julle
egter die eensaamheid, terwyl julle, julle gedagtes na binne keer, dan
verneem julle ook My aanspreking, ofskoon julle dit tog nie dikwels as ‘n
uiting van My Liefde herken nie, omdat die verstand nog nie begryp wat die
siel al gevoel of begryp het nie. Maar steeds meer en meer word My
aanspreking tot ‘n onmeetlike seën vir julle en almal wat julle daarvan in
kennis stel, dat die Vader met Sy kind wil praat as die kind die Vader wil
hoor.
En julle almal kan hierdie verbinding met My tot stand bring. Julle almal
hoef alleen maar te luister om My te hoor. Ek wil julle alleen aanspoor om
julle geestelik op te skerp, om julle te oefen om te hoor as julle geestelik
aangespreek word, deurdat julle julself dikwels in stilte terugtrek en dan na
My teenwoordigheid verlang. Dan is Ek by julle en praat met julle, dan kom
Ek Self in die Woord tot julle en dan weet julle, dat Ek julle liefhet en ook
julle liefde wil wen. Amen
194