DEEL 2 Reïnkarnasie - Ja of nee? - Nuweopenbaring

moet doen op bevel van God nie. Ek het julle vry voortgebring, het julle
verstand en insig gegee en beïnvloed julle altyd om die goeie rigting te kies
deur allerlei gebeurtenisse. Maar My teëstander laat sy mag ook nie
onbenut nie. Hy trag netso om op julle wil in te werk, maar die beslissing
hang van julself af. Daar is egter ‘n middel wat julle slegs hoef te gebruik,
naamlik om julself te verseker van My liefdesgees en My krag wat julle
geskik maak om die aanvegtinge van julle vyand te weerstaan.
En hierdie krag kan julle steeds vir julself verwerf as julle maar self die
liefde beoefen, dus om My liefdeskrag vir julself julle eie te maak en wat
julle steeds ter beskikking staan, maar wat alleen deur werke van liefde
verwerf kan word. My teëstander is ‘n vyand van die liefde en julle sal hom
altyd kan oorwin as julle hom met die wapen van die liefde tegemoet tree.
Want gaan julle die weg van Jesus, gaan julle die weg van die liefde wat Hy
ook gegaan het. En dan behoort julle aan Hom en Hy is dan julle
Beskermheer en julle Leier, Hy het julle Verlosser geword deur julle wil, wat
julself deur die liefde by Hom aangesluit het. Solank die mensdom egter
sonder liefde sal leef, sal hulle Hom nie herken nie en dit bewerk My
teëstander wat glo om sy mag te versterk wanneer hy die mag van Jesus
kan beperk.
Sy aktiwiteite is duidelik teen Hom gerig en elke mens wat homself van
Jesus Christus afkeer, wat Hom verloën en Hom afwys as Hy hom met Sy
woord tegemoet kom, is in die mag van die Antichris. Hy is self ‘n klein
Antichris wat gewilliglik doen waartoe Satan hom aandryf. Behoed julle
teen die Antichriste, hulle is in sy mag en daarom ook My teëstanders.
Maar hulle sal vir hulle vyandskap moet boet op die dag van die laaste
oordeel wat baie naby is. Amen
Die geveg teen jouself op aarde
5224 1 Oktober 1951
My lewe op aarde was vol van stryd en verleidinge en dit is verkeerd om te
veronderstel dat My Goddelike siel My daarteen beskerm het, dat My
manier van lewe niks anders as goed kon wees omdat Ek die Seun van God
was, wat na die aarde afgedaal het om die mensdom te verlos nie. My
aardse lewe as mens het op geen manier van die van ander mense verskil
nie, maar Ek was uitsonderlik swaar gehinder deur verleidinge, omdat
Satan elke middel gebruik het om My missie te verhinder. Voorts was My
siel diep gevoelig en was diep deur skoonheid beïnvloed en ook uitsonderlik
deur kwaad en onsuiwerheid gekwel. Hy was ontvanklik vir elke indruk, wat
ook die rede is waarom die wêreld met sy aantreklikhede en verleidinge My
so dikwels versoek het alvorens My ware missie begin het. Ek moes ‘n taaie
stryd verdra om oorwinnend te bly teen hom wie My vlees wou besit om die
siel vir die werk van Verlossing onbekwaam te maak. En so het My lyding
61