DEEL 2 Reïnkarnasie - Ja of nee? - Nuweopenbaring

hy steeds My bystand ondervind, Ek sal sy denke korrek lei en hy sal in My
plek, tot die mense spreek. Hy sal egter ook altyd net die waarheid praat,
omdat Ek Self dan die mense deur hom toespreek en Ek altyd net die
waarheid kan gee.
Daar is groot geestelike nood onder die mense, wat slegs opgehef kan word
deur die aanbied van My woord, want My woord, wat by die mense
ontbreek, is Lig en Krag. My woord leer die liefde en slegs deur werke van
liefde, stroom die lig en krag na die mens. Dus moet hulle eers onderrig
word deur My evangelie, dat hulle in liefde moet lewe om hul siele te
vervolmaak. En elke mens word deur My geseën wat hierdie goddelike
liefdesleer van My aan die mense verkondig en tegelykertyd wys op die Een
wat uit liefde vir die mense gely en gesterf het aan die kruis, op Jesus , die
goddelike Verlosser, in Wie Ek Self My op aarde beliggaam het.
Om die mense op hoogte te bring van Jesus Christus en Sy goddelike
liefdesleer, is My opdrag aan almal wat as My ware dissipels uitgaan in die
wêreld en elkeen wat hierdie opdrag uit liefde tot My en sy naaste
bereidwillig vervul, is vir My ‘n ware dienaar. Hy is vir My ‘n kneg in My
wingerd, wie se arbeid steeds geseënd sal wees.
En open hy sy hart en sy oor vir My, dan sal hy ook steeds My aanwysings
in homself verneem, wat hy, of deur hoorbaar aangespreek te word, of
deur innerlike gevoelens verneem, wat hom aanspoor om te praat en te
handel volgens My Wil. Elkeen is vir My ‘n getroue kneg wat hom heeltemal
aan My gegee het, wat probeer om My Wil te vervul en My as die enigste
doel, wat werd is om nagestreef te word, herken het. Want dit bring ook in
homself die verbinding tot stand met My, wat absoluut nodig is om My as
bruikbare werktuig te dien, om My en My ryk nader aan die mense te bring.
En sy werksaamheid sal steeds geseënd wees. Amen
Reddingsmiddele van die ligwesens
6737 15 Januarie 1957
In die geestelike wêreld is die doen en late van die mense op die aarde
sigbaar en dit vul die ligwesens met verhoogde ywer om hulle te help,
omdat hulle ook op hoogte is van die nabye einde en van die lot van
diegene wat op aarde faal. Die liefde, deur medelye opgewek, sit hulle
onophoudelik aan om te help, maar die wil van die mense weer hulle
dikwels af en teen die wil van die mense in mag hulle nie handel nie. Maar
omdat hulle ook die geestelike toestand van die mense sien, is hulle ook op
hoogte van doeltreffende middele en in volledige ooreenstemming met die
Wil van God pas hulle hierdie middele toe wat daarin bestaan om op aardse
gebeurtenisse in te werk.
So kan sowel vreugdevolle as ook onaangename gebeurtenisse die inwerk
van die ligwesens wees, wat hul beskermlinge wil red of na God toe lei.
Want God Self het hulle by die mense as geestelike leiers geplaas en die
505