DEEL 2 Reïnkarnasie - Ja of nee? - Nuweopenbaring

Maar vir één spesifieke liggees is dit toegestaan om na die aarde af te daal,
naamlik My Voorloper, wat Myself voor die einde sal aankondig. Hy wil My
verkondig en sal vir My die weg berei. Want dit is volgens My Wil van die
Ewigheid omdat hy My van die begin van tye af aan toegedaan was, omdat
hy ‘n stryder vir sy Meester is. Hom het Ek uitverkies tot My vasal,
(dienaar) tot My herout (voorloper) wat My steeds sal aankondig. Wat in
die wêreld luid die verkondiging gedoen het toe Ek na die mense toe gekom
het, wat voor My gegaan het as roepende, sodat die mensdom op My sou
agslaan. Hy stry vir My en sal altyd stry vir die Naam van sy Meester. Hy is
sodoende die straal en die lig wat Ek van My uit afstuur na die aarde. Hy
weet van My Koms, van die einde en van sy missie op aarde. Hy herken
homself as die een wie hy is. En hy is My so toegeneë, dat slegs My Naam
uit sy mond weerklink, dat sy iedere asemtog My Naam verheerlik. Want
elke slag van sy hart geld My, Wat hy op aarde verkondig, met oorgrote
ywer en vir Wie hy ook sy lewe gee, wanneer sy missie beëindig is.
Hy gaan dus oor die aarde kort voor My Wederkoms, maar die mense sal
hom in sy eenvoud nie herken nie, totdat hy sy mond sal open om Hom te
verkondig wat ná hom sal kom. Dan sal die skille van die oë by Myne afval,
maar My teenstanders sal hom nie herken nie. Hy sal ongeag sy eie gevaar
tog spreek, hy sal aan die mense die nabye einde verkondig en aanmaan
om boete te doen. Hy sal hulle waarsku om die heil van hulle siele te soek
en om Mammon te verag. Hy sal hulle met ‘n donderende stem die
Verlosser van die wêreld verkondig, Jesus Christus , hy sal alles doen wat
vir die verheerliking van die Naam Jesus - die Ewige Jesus - nuttig is, want
hy sal in die waarste sin van die woord My Voorloper wees. Hy sal die weg
na die paradys weer open vir almal wat aan sy woorde geloof skenk, wat
My getrou verwag, sodat Ek hulle kan red uit die diepste nood. Amen
Die sonde kry die oorhand - Geloofstryd en die einde
5840 1 Januarie 1954
Wanneer die sonde die oorhand sal kry, wanneer daar geen geloof meer
onder die mense sal wees in die regverdigheid van God nie. Wanneer die
mense onverantwoordelik lewe en hulle luste die vrye loop laat neem.
Wanneer daar geen liefde meer onder die mense sal wees nie en as alle
begeertes slegs uitgaan na die wêreld en sy goedere; dan sal die einde kom
en die voorspellings van die profete, wat in opdrag van God in alle tye die
einde voorspel het, vervul word.
En as julle, om julle heen kyk en alles wat op aarde geskied, met oop oë
gadeslaan, dan sal julle, wat van goeie wil is, insien in welke uur julle leef.
Julle sal insien dat dit alles tekens van die naderende einde is. Dat die
mensdom self daardie einde veroorsaak, omdat hulle in sonde leef en
omdat hulle nie meer aan hulle God dink nie.
227