DEEL 2 Reïnkarnasie - Ja of nee? - Nuweopenbaring

En die deurstaan van hierdie proef sou alle mense wat na hulle kom, gehelp
het om die laaste doel makliker te bereik.
In die eerste mense het Ek wesens geskape wat ondanks hul
onvolmaaktheid ofwel, hul gemis aan volmaaktheid as gevolg van hul afval
van My, tog ‘n besef oor My kan kry, omdat hulle vir hulself insien dat hulle
skepsele was en dus ook deur hul denkvermoë en vrye wil, My wil kan
herken en uitvoer. Ek het wesens geskape aan wie Ek Myself duidelik kon
maak ondanks hul afstand van My, wat voorheen in die toestand van ‘n
onvrye wil nie moontlik was nie.
Die (ware) mens was dus die eerste skeppingswerk wat ‘n gevalle oergees
in hom dra en moes hom help, om weer na sy oertoestand terug te keer
om weer as vrye Gees, in ewige gemeenskap met My, te kan skep en werk.
Dit was die opdrag vir die eerste geskape mens en bly ook die opdrag vir
alle mense tot die einde, tot die totale vergeesteliking van al die gevallenes
afgesluit is.
Dit was nie ‘n te moeilike wilsproef wat die eerste mens moes aflê nie,
maar by hierdie beproewing moes ook My teenstander die reg gegee word
om op hom in te werk. En deur hierdie invloed faal die mens en word vir
die tweede keer afvallig van My. Dit was die eerste sondeval op hierdie
aarde, die sondeval waarvan die mensdom op hoogte is, ook as hulle niks
weet van die vorige afval van die geestelike van My nie. Maar dit verklaar
alles, want die eerste mens sou nie kon val as hy die eerste geskape wese
gewees het wat in volle besit van lig en krag was nie, omdat alleen die
volmaakte uit My kan voortkom. Dan sou geen vyandige krag hom kon
beïnvloed nie. Die oorsaak van sy val is egter te vind in die eertydse val
van die geestelike, wat as die nog onvolwasse siel van die mens hom nou
moes bewys, maar hom nie kon bewys nie.
Die mens het egter verstand en ‘n vrye wil en daarom ook ‘n
verantwoording te dra vir sy siel, dus moes hy vir sy skuld boet. My
teenstander behou die mag oor die as mens beliggaamde geestelike en dit
beteken vir alle mense ‘n moeisame gang oor die aarde met stryd en lyding
verbind. En wel met die doel om hulself te bevry uit sy heerskappy, ‘n doel
wat die mens kan bereik omdat Jesus Christus die mensegeslag, wat
verswak was deur die sondeval van Adam, te hulp kom. Die verlossing is
daarom verseker vir elkeen wat Hom erken as Seun van God en Verlosser
van die wêreld en Hom gewillig navolg.
Die eerste mens kon die brug bou waaroor al sy nakomelinge tot My kon
kom. Maar omdat hy faal, moes die mensdom nog lank in die knegskap van
Satan bly. Tot die Verlosser kom, tot Jesus Christus na die aarde neerdaal
om nou ‘n brug te bou na die geesteryk, deur Sy lyding en sterwe, deur Sy
dood aan die kruis.
Die wilsbeslissing wat van My eersgeskape wese, van Lucifer, gevra word
was geensins as ‘n gebod te beskou nie. Veelmeer was die wese volledig
vry om sy wil na ‘n bepaal rigting te wend en die rigting van sy wil was
211