DEEL 2 Reïnkarnasie - Ja of nee? - Nuweopenbaring

Die mens self hoef alleen maar te bewys dat hy die bereidheid het om te
ontvang, deurdat hy met die ligryk in verbinding wil staan. Dus sal die
mens net goeie gedagtes in hom laat opkom wat hom geheel in die ban van
die teenstander bevind, omdat hy nie self die gedagtes voortbring nie,
maar dit hom omstroom soos golwe waardeur hy hom moet laat deurspoel,
as dit ‘n heilsame uitwerking op hom moet hê, as hulle hom insig moet
oorbring wat hom help om die regte besluit te neem. Want dit alleen is die
doel van die aardse lewe van elke mens persoonlik, waarvoor die mens
hom op die aarde mag beliggaam. Amen
Die regte Arts en die regte medisyne
6844 3 Junie 1957
Wat tot genesing van julle siele lei word julle mense steeds gegee, dit word
julle egter alleen aangebied, dit word nie aan julle opgedring nie. Daarom
bly egter ook sovele siele siek en swak omdat hulle verby gaan by dit wat
Ek hul in My liefde steeds aanbied: My woord, wat vir die doodsieke siel die
beste medisyne is.
Julle siele is reeds siek as hulle hul aardse lewe begin en hulle moet
derhalwe ook oor die aarde gaan, om tot volle herstel te kom. Dog hulle
kan die aarde ook weer in dieselfde swakke toestand verlaat, maar dan
moet hulle hul nog eindeloos lank kwel eer hulle dit bereik het wat hulle op
aarde maklik kon bereik het, nl. volledige gesondheid en ‘n staat van lig en
volheid van krag wat julle onbeskryflik gelukkig maak.
Ek Self het as mens oor die aarde gegaan om julle almal die voorbeeld van
‘n regte lewe op aarde te gee. Ek ken elke swakheid en gebrek van die
mens en Ek het daarom aan julle almal die weg getoon, hoe julle ondanks
julle swakhede en gebrekkighede julle doel kan bereik. Ek het julle
onderrig, dus Self tot julle gespreek. Ek het julle op aarde die medisyne
aangebied waardeur julle gesond kan word.
Ek Self het weliswaar weer na My ryk teruggekeer, maar My woord sal julle
steeds gebring word, want Ek Self spreek deur die mond van My dienare,
My disipels, wat in My opdrag tot julle spreek. Ek Self daal in die Woord tot
julle mense neer. Ek is in die Woord by julle omdat dit My medelye
inboesem om julle siek siele in swakheid te sien voortgaan, terwyl Ek weet
dat julle ‘n Arts nodig het Wie julle kan genees omdat Hy julle toestand ken
en die regte medisyne gereed hou.
Dog maar selde soek julle hierdie Arts op en daarom bly julle in julle
swakheid en kan nie herstel nie. En al spreek Ek ook steeds en steeds weer
tot julle, julle luister nie na My nie daarom gaan die kort tyd van julle
aardse lewe verby sonder dat julle siele ‘n geestelike vooruitgang
opgelewer het. Daarom moet Ek My Stem ongewoon luid laat klink, Ek
moet soos ‘n spesialis ook pynlike operasies verrig om julle van ‘n sekere
dood van die siel te red. Dink steeds daaraan wanneer julle dinge sal
548