DEEL 2 Reïnkarnasie - Ja of nee? - Nuweopenbaring

Die ware liefde soek steeds aansluiting en die vereniging met My sal steeds
die van kind met sy Vader wees, omdat Ek tog julle Vader is, uit Wie se
Liefde julle voortgekom het. En is eenmaal die ware verhouding deur julle
tot stand gebring, dan weet julle ook hoe naby Ek aan julle is en hoe Ek
meeleef met alles, ook met die kleinste belewenis van My kind. En julleself
sal dan ook met alle verlangs na My kom, omdat julle alle skroom verloor
teenoor Hom, wat julle as julle Vader liefhet en eer, sodat julle julself in
kinderlike vertroue aan Hom oorgee, wat julle die vertroue ook seker sal
beloon. Want nou verbind die liefde ons en die liefde laat nie na, om steeds
die kind gelukkig te maak wat die weg na die Huis van die Vader gevind
het, wat Hom nou in vurige liefde toegedaan is. Amen
Sataniese Aktiwiteit gedurende die Eindtyd
6801 8 April 1957
Alle demone word losgelaat in die laaste tyd voor die einde. Die hel sal die
laagste geeste uitspu en die vors van die duisternis gee hulle sy gedagtes
in, sodat hulle vernietigend sal werk op die aarde onder die mense. En julle
mense sal julle midde in sy grondgebied bevind en julle sal mettertyd in
gevaar wees om deur die helse magte verslind te word. Maar hulle kan julle
nie dwing nie. Altyd nog is dit julleself wat hulle hul bedrywigheid toelaat,
maar julle sou julle ook kan verweer teen hulle aanvalle en is waarlik nie
onbeskermd aan hulle oorgelewer nie, omdat die goeie geestelike wêreld
gereed staan om julle te help en hulle wag slegs op julle roep om hulp om
julle te kan bystaan.
Die hel is losgelaat want God se teenstander weet dat hy nie baie tyd meer
het nie en hy benut hierdie laaste tyd werklik op elke manier. Baie helse
kragte neem besit van die mense as hulle hulself nie verweer nie, as hulle
hulself selfs verheug oor die optrede van die duister wêreld. Die demone
soek om hulle gelykes te beheers, hulle neem hulle liggame in besit en
realiseer werklik sataniese dinge. En dit is ook ‘n sekere teken van die
einde want hulle het dikwels ‘n maklike spel. Die mense gaan al te gewillig
op hulle voorstel in en hulle voer ook gewetenloos uit wat die demone van
hulle verlang. Die vors van die duisternis het werklik groot mag oor die
mense verkry en daarom word sy aktiwiteite steeds openliker, omdat hy
glo dat hy die uiteindelike oorwinning in die stryd teen God sal behaal.
Daarom sal hy ook alles doen om die mense teen God op te steek en hy sal
nie afgeskrik word om ook hulle te bedreig wat vir God wil werk nie. Hy sal
hulle groot probleme berokken deur sy handlangers, sodat hulle die geloof
in God sal verloor en hy sal probeer om alle van God uitgaande lig te doof,
omdat sy verwaandheid geen grense ken nie. En so matig hy hom sodanig
baie teenoor God aan, dat God ‘n spoedige einde aan sy aktiwiteite sal
maak.
533