DEEL 2 Reïnkarnasie - Ja of nee? - Nuweopenbaring

Die Liefde het die verlossingswerk volbring
5215 21 September 1951
Ek het vir julle gesterf aan die kruis. My Liefde vir julle het geen grense nie
en ontbrand in die mens Jesus tot ‘n krag, wat die vergoddeliking van sy
Siel bewerkstellig, ‘n staat wat Hom bo die menslike aardse sfeer uit
verhef en Hy een word met My.
Slegs so'n sterk Liefde was in staat om die kruisoffer te bring, want anders
sou Hy as mens dit nie kon volhou nie, as die krag van die Liefde Hom nie
versterk het nie. Hy sterf as mens die kruisdood en tog was dit Ek Self, Wie
Hom vir julle mense oorgelewer het aan die kruis, want die mens Jesus bly
in die Liefde, tot Hy Sy Gees prysgee.
Die Liefde bring dus die offer en die Liefde was Ek Self. Dit is ook ‘n
misterie en sal dit bly solank die aarde bestaan en julle met aards gerigte
denke die verlossingswerk beoordeel.
Die mens Jesus sterf aan die kruis. Ek Self kom na die aarde om julle te
verlos. ‘n Skynbare teenstelling en tog is dit die waarheid wat so lank
onbegryplik is as wat julle nie sal kan begryp, dat Ek Self die Liefde is, dat
die Liefde die Oersubstansie is van die ewige Godheid en dat dus die Liefde
die werk volbring het wat die mensdom moes verlos van die sonde.
Die Liefde egter was in die mens Jesus, derhalwe sterf ‘n mens die
kruisdood, maar dat hierdie mens al Goddelik was bewys die oormaat van
sy lyding, waaraan Hy nie vroeër al aan beswyk nie. Sy Liefde vir die
mensdom was so groot dat Hy wens om te ly om hulle te help.
‘n bomenslike maat van lyding het Hy op Hom geneem, wat alleen al
voldoende sou wees om ‘n menslike liggaam die lewe te ontneem, maar die
krag van sy Liefde hou die liggaam solank in lewe, tot sy vyande Hom
“hemelhoog” verhewe het, tot hulle Hom aan die kruis genael het, tot die
hoogtepunt van sy lyding bereik was. Hy wil die mense die skanddade laat
uitvoer waartoe My teenstander hulle aanhits om ook hierdie te laat sien
dat die mag van ‘n Seun van God ook oor die dood heen reik, dat Hy ook
Heer was oor die dood. En van sy dood moes die hele mensdom op hoogte
gebring word, as hulle verlos wil word.
Hy was deur sy Liefde tot op die einde met My, die Vader verbind, maar sy
beangste Siel herken My nie meer nie, Hy soek My buite Hom en daarom
roep Jesus die woorde uit: “My God, My God, waarom het U My verlaat?".
Die magtige Godheid het Hom slegs teruggetrek, maar die Liefde was en
bly in Hom.
Die Liefde was wel krag in Hom, maar Jesus gebruik hierdie krag nie meer
om sy kruisiging te verhinder nie, alleen nog maar daarvoor om hierdie te
kan volbring, omdat Hy dit wil belewe om My as mens te dien en vir die
medemens te ly en te boet.
58