DEEL 2 Reïnkarnasie - Ja of nee? - Nuweopenbaring

lewe vol kwellinge is, sorge sal julle dikwels onderdruk en julle sal bang en
ontmoedig word. Maar tog kom niks toevallig oor julle nie en julle Vader in
die hemel is bewus van alles en daarom ook julle toestand, aangesien dit
Hy is wat dit vir julle vooraf bepaal het om julle omhoog te help.
Maar julself kan julle lot of verbeter of vererger, aangesien julle slegs die
regte weg moet neem om hulp te kry, net soos julle andersyds, deur
teensin en afkeer meer deur julle lot belas word en dubbel ly omdat julle
kla.
Maar tog is daar Een wat altyd op julle roep wag, omdat Hy julle wil help,
maar eers julle wil hoor roep, sodat Hy Sy liefde aan julle kan bewys. Die
Een wil julle help en kan julle help, maar eis tog julle geloof in Sy liefde en
krag. Julle sal Hom elke oomblik as ‘n God van liefde moet erken, selfs as
julle moet ly, of waar Sy liefde vir julle nie duidelik herkenbaar is nie.
Slegs die liefde beweeg Hom tot aksie en slegs die liefde beweeg Hom
onder andere om die mensdom hard te gryp, sodat hulle nie opnuut vir
ewighede verlore gaan nie. Maar wie hom aan Sy enorme Liefde toevertrou
sal spoedig uit beproewing gelei word, omdat God niks meer vra as die
mens se volle toewyding aan Hom nie.
Daarom sal hy spoedig bevry word van sorge en lyding, aangesien die
liefde van God dit weer wegneem van hom sodra hy die regte verhouding
met God gevestig het, of dit verstewig het. Dan is die doel bereik en ‘n
ander vlak bereik; dan het die siel ’n trap hoër gestyg, gevolg deur ‘n
periode van vrede, wat die mens vir selfondersoek moet dien.
Hy moet voortdurend na die hoogte strewe en moet nie moeg word nie; Hy
moet sy oë op sy doel gevestig hou, die bereiking daarvan is sy aardsetaak.
En as sy strewe tot ‘n stilstand kom, dan sal onaangenaamhede spoedig
weer na hom kom om hom aan sy aardse-taak te herinner.
Maar wat julle ook al oorkom, dit sal waarlik tot voordeel van julle siele
wees en julle sal alles met behulp van Hom wat die kruis vir julle gedra het
kan oorwin, Hy wat vir julle op die kruis gesterf het.
Roep Hom aan in alle geestelike en aardse nood, Hy ken julle beproewing,
Hy is op hoogte van alle menslike swakhede en wil en is altyd bereid om
julle te help; as julle, julle beroep op die naam van Jesus Christus en
hierdie weg sal julle tot julle doel te lei. Amen
God se oneindige Liefde - Die Kruisoffer
6331 11 Augustus 1955
Die Liefde hou nooit op nie. Hierdie woorde moet vir julle ‘n troos wees, ook
in die moeilikste lewensituasie, want sodra julle in ‘n God glo Wie die Liefde
Self is, weet julle ook dat Hy julle nie in hierdie nood sal laat nie, want
omdat julle Sy kinders is, sal julle ook in julself die sekerheid hê dat julle
Vader julle aanhoudend ook Sy Liefde sal laat toekom. Glo slegs aan My
Liefde, Wat nooit ophou nie, wat na julle uitgaan tot in alle ewigheid, dan
353