DEEL 2 Reïnkarnasie - Ja of nee? - Nuweopenbaring

Die deur na die ligryk is Jesus Christus
5878 16 Februarie 1954
Die deur na die ligryk is vir almal geopen wat die weg via Jesus Christus
kies. Maar sonder Hom is die ligryk vir julle gesluit en gaan julle in
duisternis of in so'n onheldere skemering dat julle julself nie wel voel en
daarom ook nie geluksalig is nie. Waar Jesus Christus ook maar gepreek
word, word julle gewys op die ware weg, want Hy self het die woorde
gespreek: "Ek is die weg, die waarheid en die lewe".
En Hy sal julle steeds weer teëhou op julle weg as julle eenmaal by Hom
verby gegaan het sonder om op Hom te let. Hy sal julle steeds weer wys op
die waarheid, op Sy verlossingswerk, Hy sal Hom aan julle as Leier ter
beskikking stel op julle lewensweg op aarde, Hy sal julle probeer wen in
liefde en geduld, Hy sal Hom nie van julle afkeer as julle Hom nie wil
aanhoor nie. Hy sal julle volg as julle dreig om in die diepte te verdwaal en
dan weer aanlok en roep, dat julle julself na Hom draai en terugkeer, dat
julle die weg opgaan wat na die ware doel voer, na die ewige lewe.
Slegs Hy is die poort waardeur julle binne kan gaan in die geluksaligheid en
wys julle Hom op aarde af, dan word julle oorkant in ‘n donker ryk ontvang,
alles is daar in duisternis gehul, want daar ontbreek die lig wat alles verlig,
Jesus Christus van Wie die lig uitgaan. Maar in die ryk van duisternis sal
julle na Hom moet roep, dan kan julle ook verlos word uit julle kwelling,
maar dit is moeilik vir ‘n siel wat Hom op aarde afwys, om uit vrye wil na
Hom te roep, omdat hy nie glo en die geloof hom in die hiernamaals ook
nie geskenk kan word nie. Vir sulke siele is dit moeilik omdat die duisternis
hul denke verduister en dikwels verkeerd rig, omdat hulle te weinig eielig
besit wat nou hulle wil sou kan aanspoor om na Hom om redding te roep.
Die afwys op aarde van Jesus Christus het ‘n uitermate smartlike
uitwerking in die hiernamaals, want dit ontbreek die siel aan alle krag en
lig, hy het geen insig nie en is te swak van wil om homself insig te verskaf.
Maar die Barmhartigheid van die Goddelike Verlosser stuur sulke siele ook
dan nog hulp. Hulle word ook in die ryk van die duisternis gewys op die
kruis van Christus, wat sodanig geopenbaar word, dat plotseling ‘n gedagte
aan Hom as ‘n bliksemstraal in die siel omhoog flits, dat ‘n ligskynsel in die
vorm van die kruis hom plotseling tref, wat egter dadelik weer uitdoof,
maar tog in die siel ‘n sprankie insig kan agterlaat, dat hy nadink oor Jesus
Christus en van Hom verlossing verwag, dat hy Hom in gedagtes nader
roep en Hom sy nood voorlê, dat hy daardeur sy wil te kenne gee om in
Hom te glo en alleen maar hulp nodig het om nie weer ‘n ander mening te
kry nie.
En dan word hom ook hulp gestuur, dan neem die duisternis onmerkbaar af
en geringe skemerlig laat hom die weg sien wat hy nou volg en wat hom in
steeds heldere streke voer, solank hy die gedagtes aan Jesus Christus nie
laat vaar nie, maar wat dadelik weer duister word, as hy nie meer aan Hom
239