DEEL 2 Reïnkarnasie - Ja of nee? - Nuweopenbaring

dat julle sal glo en die verbinding met My sal soek en herstel juis deur
werke van liefde. Julle kan dit doen solank julle julself nog op die aarde
bevind en die lewenskrag nog vir julle tot beskikking staan, maar julle het
baie min tyd daarvoor. Benut die tyd goed en glo in My Woorde. Glo dat ‘n
ontsettende lot op julle wag en vermy dié lot bewustelik deurdat julle julself
sal inspan om korrek en regverdig te lewe en onselfsugtige naasteliefde te
beoefen. Dit is ‘n dringende waarskuwing wat Ek uit ‘n met liefde vervulde
Hart laat hoor. Bekeer julle voordat dit te laat is. Dink aan My en dink aan
julle naaste in liefde, sodat julle vry raak en die komende nie hoef te vrees
nie. Amen
Die weersien in die hiernamaals
6312 15 Julie 1955
Julle mense kan daarvan oortuig wees dat daar ‘n weersiens in die
geesteryk is. Maar of ‘n weersiens met julle geliefdes julle vergun sal wees
direk nadat julle skei van hierdie aarde, hang af van die graad van
volwassenheid waarin julle eie siele sowel as die siele van julle geliefdes
hulle bevind. Want waar hierdie graad nog nie so hoog is dat ‘n geestelike
aanskoue moontlik is nie, moet dit eers bereik word, wat nog ‘n lang tyd
kan duur.
Eers by ’n bepaalde graad van volwassenheid is die siel in staat om
geestelike indrukke in te neem. Hulle moet dus self in die lig staan om te
kan herken wie hulle nader. Ofskoon ook ’n siel in ‘n laer graad van
volwassenheid sy omgewing ken deur wesens, wat hulle egter nie kan
herken solank die geestelike vermoë om te sien ontbreek nie.
Die saligheid van die wesens bestaan egter nou daarin, dat hulle hul harte
kan uitstort by hulle met wie hulle op aarde noue bande gehad het. En
daarom sal die siele wat hulself reeds as gevolg van hul volwassenheid in
die lig bevind altyd hul geliefdes kan nader en wel, om of met gelyke
volwasse wesens van gedagtes te wissel, of om die nog swakke siele te
help om hoër op te kom.
Dus sal die meer volwasse siele in staat wees om die swakkere siele te
herken, maar nie omgekeerd nie, omdat die swakke siele aangespoor moet
word om te strewe na die lig, terwyl dit nie deur bewys daartoe gedwing
mag word nie. Want dit sal ’n bewys wees as hulle ’n ligsiel nader, wat
hulle herken as iemand met wie hulle op aarde verbind was.
En so is dus die vreugde van die weersiens ’n genade geskenk wat hoort by
die volwasse geestelike, wat daardeur onuitspreeklik gelukkig is en nou van
sy kant af alles doen om die onvolwasse siele te help om geluk te bereik.
Hierdie siele span hulle op die mees liefdevolle wyse in en laat nie na om
hulle voortdurend aan te spoor nie, maar altyd vir hulle nog onherkenbaar
omdat hulle, hulle in dieselfde omhulling en in dieselfde kleed nader. Hulle
verlang na siele waarmee hulle noue bande gehad het en trek hulle aan en
343