DEEL 2 Reïnkarnasie - Ja of nee? - Nuweopenbaring

versluier en God Self vir hulle tot ‘n vreemde te maak. Dat hierdie
dwaalleer ook aangeneem was, getuig van die verduisterde geestelike
toestand van diegene wat heeltemal sonder Lig is, dat hulle ook geen
vermoë besit om te oordeel nie en daarom goeie werktuie in die hande van
die Satan is, om hierdie leer uit te brei en daardeur die geloof op ‘n manier
in gevaar te bring, soos wat dit selde deur ‘n dwaalleer gedoen is. Want om
te kan glo in één God as hoogs volmaakte Wese, moet die Wese Homself
ook aan die mense so bekend maak, dat hulle Sy volmaaktheid kan insien,
ook moet die verstand van ‘n mens wat na die waarheid soek, kan
klaarkom met begrippe, anders sou daar geen rekenskap van hom geëis
kan word nie.
God is nie tevrede met ‘n blinde geloof nie. Hy vra nadenke om ‘n
standpunt in te neem teenoor elke leer, omdat die geloof net dan lewend
kan word wanneer dit tot ‘n innerlike oortuiging geword het. Maar waar
hierdie moontlikheid van die begin af uitgesluit word, waar ‘n verkeerde
leer aan die mense voorgehou word om dit onvoorwaardelik aan te neem,
kan daar dan slegs ‘n blinde geloof verlang en bereik word, wat vir God
geen waarde het nie, wat eerder skadelik is vir die siel, in die besonder
dan, as die beeld van God wanvoorgestel word en die liefde vir Hom nie
daardeur ontsteek word nie, wat absoluut noodsaaklik is om salig te word.
Amen
Die smal weg
5405 2 Junie 1952
Ek wil in julle woon, Ek wil heers in julle hart, maar met ‘n Liefde wat julle
gelukkig wil stem. Ek wil in julle wees. Hierdie teenwoordigheid van My
maak julle ook tot My kinders, dan het Ek tot Myne gekom en hulle het My
opgeneem. Aan julle, wat as My skepsele op hierdie aarde vertoef, behoort
My hele Liefde. Ek dra sorg vir julle en voer julle op weë wat weliswaar
dikwels vol klippe is en moeilik om af te lê.
Ek lei julle en tog staan Ek by die doel en verwag julle. Julle het dus My
voortdurende hulp en niemand kan sê dat hy nooit My hulp ondervind het
nie. Maar wie My liefdevolle aandring en die roep van My Liefde nie volg
nie, die bly agter. Maar wie My volg ontvang ‘n groot voorsprong en hulle
bereik die doel. Ek Self neem hulle aan My Vaderhand en lei hulle binne in
My huis en die kind het die weg huistoe gevind na die Vader, van Wie hy ‘n
eindelose lang tyd verwyder was deur eie skuld. Hy het die weg terug
gevind omdat hy die enigste weg gegaan het wat na My lei, die kruisweg
van die liefde. Want hierdie weg is nie maklik om te gaan nie, hy bied geen
verlokkinge, geen lus vir die oog, dit is nie gelyk en moeiteloos om te
begaan nie, maar dit moet tree vir tree geloop word omdat dit steil omhoog
voer en die vele hindernisse moet eers weggeruimd word voordat dit
begaanbaar is.
111