DEEL 2 Reïnkarnasie - Ja of nee? - Nuweopenbaring

tot deur julle begrypelike gedagtes of weerklink as ‘n hoorbare Woord in
julle hart. Maar ook op die indirekte manier deur die tussenkoms van ‘n
bode kan Ek My Woord tot julle laat kom, as Ek die salige wesens in die
geesteryk gelukkig wil maak, wanneer hulle tussenpersoon mag wees
tussen My en julle, want die stuur van krag uit My beteken ook vir hulle ‘n
toenemende saligheid.
In die laaste geval ontvang julle dus My Woord deur My ligbodes, wat egter
aan die Woord op geen enkele wyse afbreuk doen nie omdat dit nie kan
verander solank dit uit die geesteryk kom nie, d.w.s. nog nie deur menslike
wil ‘n verandering ondergaan het nie. Maar die mense moet goed rekening
daarmee hou dat Ek alleen My Woord spreek en die suiwere waarheid
stuur, wat die mense in kennis stel van My Wil en wat hul die insig verskaf
oor hul verhouding tot My en hul aardse opdrag.
Maar nie alles wat julle ontvang uit die geesteryk kan as My Woord
bestempel word nie, want My Woord is die suiwerste waarheid en kan dus
as My direkte uitstraling alleen verder gelei word deur wesens wat self in
die lig staan.
Daar is egter ook wesens wat hulle wil uiter ofskoon hulle self geen insig
het nie, of slegs ‘n geringe mate van kennis besit. Ook hulle het die
moontlikheid om hulle aan die mense op aarde verstaanbaar te maak deur
die oorbring van gedagtes, of deur ‘n medium wie se wil en liggaamlike
funksie hulle gebruik om hulle te uiter. Dog hierdie “mededelinge” moet nie
met My Woord verwar word nie, die mense mag dit nie as My Woord
aanvaar nie en dit is derhalwe nie as werking van My Gees in die mens te
bestempel nie. Want My Gees kan alleen onder bepaalde voorwaardes
werksaam wees. Die “mededelinge” uit die geesteswêreld kan egter deur
elke mense verneem word wat hom maar daarop instel om met die
geesteryk in verbinding te tree, om te luister na die influisteringe van die
wesens wat hulle manifesteer met goeie, of minder goeie bedoelings.
Hierdie wesens kan wel ook waarheid oorbring, maar daar is geen waarborg
dat hul uitinge suiwere waarheid is nie omdat hierdie wesens hulle op
geheel verskillende vlakke van volwassenheid bevind, maar die mens self
kan die graad van volwassenheid nie beoordeel nie. Sulke uitinge kan nooit
as Goddelike openbaringe gekenmerk word nie. Baie eerder kan ware
Goddelike openbaringe daardeur in gevaar gebring word, as die mens nie
suiwer oordeelsvermoë besit om kennis uit die geesteryk te kan onderskei
en te skei nie.
Om My Woord direk of deur ligbodes te kan ontvang is in die eerste plek die
wil om My te hoor ‘n vereiste, want Ek laat My Stem nie in die hart van ‘n
mens hoor sonder sy bereidheid om My te ontvang nie, omdat dit die geloof
aan My werksaamheid in die mens deur My Gees bewys. Bowendien moet
‘n lewenswandel in liefde die hart tot ‘n waardige opnamevat van My Gees
gereed gemaak het. En ook moet die mens wat My Woord ontvang
daarmee vir My en My ryk arbei.
43