DEEL 2 Reïnkarnasie - Ja of nee? - Nuweopenbaring

Ek evalueer altyd slegs die mens se wil om by My aan te sluit en sy
bewustelike inspanning om hom van My teenstander los te maak. En
ooreenkomstig sy wil sal die bron, wat die lewende water aan hom moet
verskaf, vir hom toeganklik gemaak word. Dit is die volvoering van die
geestelike doop, want daarvandaan af sal die lewende water onophoudelik
stroom. Dan verleen elke Woord van My lig en krag aan die siel, dan sal
elke omhulsel wat nog die siel omring oplos, die siek siel sal genees die
swak siel sal sterk word, die doop sal ‘n transformasie veroorsaak, in ‘n
verandering van die geestelike gebied wat die siel nou in woon. Hy het
bewustelik die koninkryk van My teenstander verlaat en in My koninkryk
ingegaan, Hy kan nou deur My Gees verlig word omdat sy wil dit aanvaar,
hy het tot lewe gekom en so ook ‘n geskikte houer geword waarin Ek My
Gees kan giet. En streef met verhoogde begeerte na My, hy soek na
eenheid met My omdat hy My erken en die terugkeer na My word voltooi,
hy is en bly nou ewig Myne. Amen
Die ware Arts vir die siel
6778 7 en 8 Maart 1957
Alle siekes benodig genesende medisyne, as hy wil herstel en sy liggaam
weer fris en kragtig laat word, om sy pligte op aarde te kan vervul. En so
ook het die siek siel behoefte aan ‘n “heilsaam medisyne" wat hom help om
kragtig te word om ook die taak te kan vervul wat hom vir die aardse lewe
gestel is. Hy is siek en swak wanneer hy die lewe as mens begin en het ‘n
weg na omhoog voor hom waarvoor hy krag nodig het.
Daarom moet hy genesing gebring word, hy moet hom aan ‘n dokter en
helper toevertrou wat sy siekte ken, wat hom die ware medisyne kan
toedien waardeur hy weer gesond kan word. Hy moet kragtige voedsel
gebruik om ook in krag toe te neem om die klim omhoog te kan aflê. En
daar bestaan ‘n Dokter wat hom waarlik kan help, Wie al sy lyding en
swakhede ken en Wie vir alles die ware medisyne gereed hou: Jesus
Christus, die Heiland en Verlosser van sonde en dood.
En daar bestaan ‘n genesende voedsel, wat Hy die siek siel gee: Sy woord
wat die siel plaas in die toestand dat hy nou vol krag die weg omhoog kan
gaan, wat hom die doel laat bereik ten behoewe waarvan hulle hulself op
aarde mag beliggaam. Want die Woord is die brood wat uit die hemel kom,
wat die Goddelike Liefde uitdeel met seënende hande wat waarlik alle siek
siele gesond laat word, as dit met dank uit die hand van Jesus Christus die
Skepper en Vader van ewigheid aangeneem word, wanneer die siel hom
daarmee laaf wanneer hy in waarheid eet en drink van die ‘vlees' en
‘bloed’, die woord, wat as ‘n stroom van Gods genade onophoudelik stroom
en vir almal toeganklik is wat honger en dors ly, wat siek en swak is en
brood en wyn nodig het om weer kragtig te word.
521