DEEL 2 Reïnkarnasie - Ja of nee? - Nuweopenbaring

gaan kom, want die tyd is vervul wat julle toegeken was om julle geestelik
te vervolmaak. Amen
Die siel verwissel van blyplek by Die dood
6817 29 April 1957
Die siel is julle eintlike ek wat onverganklik is en wat slegs van blyplek
wissel by die dood van die liggaam, wat die gang op aarde beëindig het om
in ‘n ander sfeer verder volwasse te word, as die siel nie volhard in verset
teen My nie, anders sal dit in die diepte sink.
Hierdie gedagte moet julle dus verbly, dat julle geen dood te vrees het nie,
dat julle voortleef al moet julle die aarde verlaat en dat daardie lewe baie
mooier en verblydender is as wat die aardse lewe ooit vir julle kan wees.
Julle moet vol goeie hoop die dag tegemoet gaan waarop julle uiterlike
omhulsel van julle eintlike ek weggeneem word, waarop al die gewig van
julle afval en julle maklik en onbekommerd kan beweeg en kan opgaan na
julle ware vaderland, wat julle heerlikhede bied wat julle julself nie kan
voorstel nie.
Julle moet jubel en juig omdat daar vir julle geen dood meer is nie, sleg
julle siele kry ’n ander blyplek wat hom oneindig verbly.
Waarom vrees julle die dood of sien julle met ‘n gevoel van onbehae die
einde van julle aardse lewe aan? Waarom is die dood vir julle ’n
verskrikking? Waarom maak dit julle angstig, terwyl dit in waarheid slegs ‘n
oorgang is na ‘n ander sfeer? Dit is omdat julle onbewus voel, dat julle nie
reg leef nie en julle siele nie die lig ontvang wat elke vrees van hom sal
wegneem nie.
Want die mens wat My gebooie van die liefde vervul, wat dus na My wil
leef, ondervind geen vrees vir die dood nie. Hy verlang eerder om sy
aardse omhulsel kwyt te raak, omdat hy ’n verlange het na sy ware
vaderland. Want die liefde het in hom ’n helder lig ontsteek, sodat hy nou
al sien dat hy later in My nabyheid sal wees waar hom geen smart en pyn
of droefheid meer oorkom nie, waar hy veilig voel in My liefde.
En hierdie geluksalige sekerheid kan alle mense hê, dat hulle ‘n moeilik
bestaan vol smart, by hul dood verwissel met veiligheid. As hulle met
hierdie doel voor oë hul aardse lewe sou aflê, as hulle steeds die innerlike
stem sal volg wat hul duidelik My wil te ken gee. As hulle al op aarde die
ware verhouding tot My vind, hul God en Vader van ewigheid.
Die gedagte dat alles weg is met die liggaamlike dood, is reeds die beste
bewys dat die lewenswandel van die mens nie na My wil is nie. Want
hierdie gedagte is ingegee deur die vyandige gees wat die mense wil
verhinder om tot ware insig te kom en hy daarom die verlang na ‘n
wêreldse lewe probeer vergroot.
Die mense glo nie aan die onverganklikheid van hul self nie, hulle stel vir
die siel dieselfde begrensing as wat vir die uiterlike omhulsel bestaan.
537