DEEL 2 Reïnkarnasie - Ja of nee? - Nuweopenbaring

goddelike Gees in die mens. En dit is op sy beurt weer te herken aan 'n
verligte denke, die insien van die waarheid, die besef van die doel van die
menslike lewe, ‘n sterk geloof en die daaruit voortkomende buitengewone
werke, soos die genesing van siekes, die afwending van groot aardse nood,
die binnenstroom van Gods Woord of die gebied van die elemente tot nut
van die medemens maak.
Steeds sal daar ‘n krag aan die lig kom wat van Goddelike oorsprong is as
'n mens die geestelike wedergeboorte bereik het en die mens behoort dan
ook tot die kerk van Jesus, wat buite elke kerklike organisasie staan maar
mense van elke denominasie tot sy lede tel. Hulle is ‘n geestelike
gemeenskap van alle diepgelowige mense en hulle Hoof is Jesus Christus
Self, met Wie elke lid in innig kontak moet tree om in Sy kerk opgeneem te
word.
Want Sy kerk is iets lewends, dit is geen dooie vorm wat vir die wêreld
maar in naam bestaan en geen Gees in hom het nie. Sy kerk is op ‘n
lewende geloof gebou wat deur die liefde tot lewe gewek word. Daarom is
liefde en geloof die eerste voorwaarde om tot Sy kerk te behoort, om welke
rede daar ook in elke geloofsrigting mense aan Sy kerk behoort wat ‘n
lewende geloof het wat voortgekom het uit die liefde tot God en die naaste.
Al die mense verenig Jesus Christus in Sy op aarde gestigte kerk en Hy
kenmerk hom met die gawe van die Gees, maar elkeen na volwassenheid,
bekwaamheid en bestemming van sy arbeid op aarde vir Sy ryk. En ooral
waar Gods Gees werk staan ‘n pilaar van Sy kerk, wat onoorwinlik is en sal
bly, tot in alle ewigheid. Amen
Verlossende hulp vir siele in die hiernamaals van die
kant van die mense
5178 25 Junie 1951
Daar worstel tallose siele in die hiernamaals om hoër te kom en hierdie
siele bevind hulle in die uiterste nood. Hulle kragteloosheid maak dit
onmoontlik vir hulle om hoër te gaan en die besef van hul kragteloosheid
kwel hulle oneindig omdat hulle nie weet hoe hulle dit kan oorkom nie. Die
gebrek aan kennis is hul ongeluk, want volgens die wet van ewigheid kan
hul alleen dit gegee word waarmee hulle wil toestem en na die wil word hul
gegee. Wil hulle lig hê dan ontvang hulle dit, maar as hulle die weldaad van
die lig nie ervaar het nie, ervaar hulle ook geen verlange na die lig nie.
Hul ellendige toestand bestaan daarin dat hulle onophoudelike ly en die wil
om hul toestand van lyding te verander, kan hulle nie opbring nie, as hulle
tenminste nie hulle wil gebruik om op te staan teen God en hul lot nie en
vreeslik tekere gaan in hul omgewing nie. Hierdie siele is reeds in ‘n helse
toestand omdat hulle deur die kragte van die hel voortdurend opgesweep
word en daardeur is daar vir hul verandering en strewe na bo nog ‘n
ondenkbare lang tyd nodig.
38