DEEL 2 Reïnkarnasie - Ja of nee? - Nuweopenbaring

tot insig te kom, maar Ek dwing hulle nie daartoe nie en waar hulle julle
skade wil berokken, daar plaas Ek bewakers wat julle beskerm teen hulle
verderflike venyn, wat hulle afweer om naby julle te kom; Want wie Ek
bestem het om vir My te arbei, ondervind ook My beskerming in die
oorvloedigste mate, om nie gehinder te word in sy werksaamheid nie.
Die stryd tussen lig en duisternis sal steeds heftiger ontbrand en julle
bevind julself in die tyd van hierdie stryd. Julle sal julself moet bewys deur
sterk onbevreesde stryders te wees vir My en My Woord. Maar Ek sal julle
ook die krag gee om julle teen elke bevel te kan verset, julle sal stry met
die swaard van die mond en Ek Self sal daarby die swaard hanteer, Ek sal
julle steeds weer die woorde in die mond lê as julle vir My stry, omdat dit
My Wil is dat die dwaling blootgelê sal word, wat maar net deur ‘n stryder
sonder angs gedoen kan word, wat die krag om te weerstaan, van My
ontvang.
Wees daarom nie bevrees wanneer julle aangeval sal word nie, weet
inteendeel, dat julle steeds deur My begelei en beskut sal word en neem die
uitdaging rustig aan. Dwing hulle wat teen julle is tot ‘n woordestryd, julle
sal sekerlik nie die onderspit delf nie, al sou My teenstander self julle
aanval. Want julle is nooit alleen nie, julle sal steeds seker kan wees van
My teenwoordigheid, waarteen die teenstander ook nie opgewasse is nie.
Maar sonder stryd sal dit in die laaste tyd vóór die einde nie gaan nie. Maar
julle sal stry vir My en My Naam en daarom sal julle ook My beskerming
geniet, soos Ek dit aan julle beloof het. Amen
Die taak om die waarheid te versprei veronderstel
ontvangs van die waarheid van God
6252 7 Mei 1955
Julle moet in My naam praat vir My en My koninkryk. Julle moet dieselfde
aan mense sê wat Ek Self aan hulle sou sê as Ek sigbaar onder hulle
gewoon het. julle moet hulle in die waarheid onderrig soos Ek Self gedoen
het tydens die tyd wat Ek op aarde geleef het.
As Ek julle hierdie taak gee moet Ek julle ook van die moontlikheid voorsien
om dit te verwesenlik. En as Ek van julle verwag om die waarheid aan
mense te gee moet Ek julle ook die waarheid gee, sodat julle
ooreenkomstig My wil vir My en My koninkryk sal kan werk. Daarom kan
julle ook sekere wees dat wat Ek aan julle gee die absolute waarheid is,
anders kan Ek nie van julle verwag om die Evangelie in My naam te
verkondig nie. En so kan julle julself vol vertroue beskou as My
instrumente, julle kan met volle vertroue herhaal wat julle van My ontvang
deur die Gees, julle kan opstaan vir die waarheid met oortuiging. Julle moet
nie twyfel nie of julle sou My liefde, almag en die wysheid van God moet
bevraag as hy nie julle teen foute kan beskerm nie.
329