DEEL 2 Reïnkarnasie - Ja of nee? - Nuweopenbaring

Maar dit is begaanbaar, omdat ‘n Leier julle voortdurend by staan, julle
beskut en ondersteun, julle krag gee as julle wil op gee. Hy spreek julle toe
vol Liefde, Hy neem julle las af wat julle dra, Hy lei julle sorgsaam oor
gevaarlike klippe heen, Hy is voortdurend julle Begeleier. Sodoende kan
julle die doel bereik op voorwaarde dat julle die goeie wil daartoe het.
Nou is dit vir julle ook moontlik om julle blik op die breë weg te rig en
hierdie breë weg kan maklik vir julle begerenswaardig lyk, want hy is
omsoomd met vreugde en genietinge van velerlei aard. Die lieflikste beelde
lok die wandelaar om ‘n sprong te waag van die smal moeilik begaanbare
weg na die breë lokkende pad, waar baie hulle te buite gaan aan wêrelds
genot. Die versoekinge is baie groot en menigeen kan dit nie weerstaan
nie. Hy verlaat die moeitevolle weg en hy word altyd hulp gebied om na die
breë weg oor te gaan, want oral staan gestaltes wat vir hom wink, hom die
hand bied en hulle verheug om die wandelaars nader te kan lok. Die breë
weg voer egter nie na dieselfde doel nie, dit voer na omlaag, so seker as
wat die smal weg omhoog voer.
Die beeld maak julle duidelik dat die laaste doel te bereik is deur
selfoorwinning. Dat dit ‘n sekere stryd kos met julself en met die
moeilikhede wat hul voordoen. Die laaste doel kan die mens dus alleen
bereik as hy alle moeilikhede nie ag nie, as hy sy oog na Bo rig waarheen
Ek hom aantrek as die heerlikste doel. Dan dra Ek Self hom so, dat sy
voete die hindernisse nie raak nie, dan sien hy dit nie, veeleer rig hy sy blik
op My, wat My Hande na hom uitsteek waaraan hy kan vashou en wat hom
lei tot aan die einde van die weg.
Hoe verskillend is die lewe egter van hulle wat op verskillende weë gaan,
hoeveel vreugde en wêreldse genietinge kan die een laat sien, hoeveel
ontberinge, lyding en moeite die ander. Vol afwisseling verloop die dae vir
die een, terwyl die ander alleen nood sien by hom en by ander en hy buiten
sy eie las dikwels nog die van die medemens dra, omdat die liefde hom
daartoe dring. Maar eenmaal kom die vergelding en dit sal wees soos die
mens dit self verlang en hoe hy sy verlange bewys het. Geestelike goedere
sal ontvang word deur hulle wat na die geestelike gestreef het, wie Ek Self
by al hul moeite nie vergeet het, maar hulle tegemoet gaan. Hulle wat
egter die breë weg bewandel sien plotseling dat hulle in die diepte eindig.
En die diepte sal almal opneem, want hulle het aaneen na benede gegaan,
die weg, wat aanvanklik wel met goeie voornemens geplavei was, wat
egter vinnig opgegee was omdat die verleidings alle goeie voornemings laat
verdwyn het, want die sonde neem hand oor hand toe, daar waar My
teenstander kan inwerk op die siel van die mens. Want die breë weg is deur
hom aangelê met die doel om die mense ten gronde te rig.
En so word julle deur twee magte aangelok, maar julle kan self kies, na wie
julle wil gaan. Julle kan My kinders word, julle kan egter ook sy kinders bly.
Dit is die keuse wat julle op aarde moet neem. Dit is ‘n uitermate
verantwoordelike besluit, want dit bepaal julle hele ewigheid. En daarom
112