DEEL 2 Reïnkarnasie - Ja of nee? - Nuweopenbaring

nie, veeleer sou julle hom bystaan asof hy volledig blind was en alles
vergeet wat hy julle ooit aangedoen het.
En aan die siel van julle medemens sal julle altyd moet dink, wanneer hy in
julle geen liefde kan wek nie. Die kwellinge van die siel is onvoorstelbaar en
so’n siel wek medelye by My op en Ek sou hom wil help. Maar Ek kan die
vrye wil nie aantas nie, Ek moet homself sy weg laat gaan, maar julle sal
hom liefde kan gee en daardeur so op die mens inwerk, dat hy ook liefde in
hom laat ontbrand en sy groot geestelike nood daardeur verminder word.
Julle sal dus daar kan help, waar Ek in ‘n sekere sin magteloos is om die
vrye wil van die mens nie in gevaar te bring nie. En dit is reg deur julle
gedoen wanneer julle die medemens wat nog in sonde gebonde is, ophelp
tot wat julle al bereik het, want My genade het julle gehelp toe julle nog
swak was, My genade wil ook diegene help wat nog onder is, maar My
teenstander hou hulle nog vasgebind.
En julle sal moet help om die kettings los te maak, julle moet My die Vader
van ewigheid, in liefde die kinders teruglei wat verdwaal is, julle sal hulle
moet help om dieselfde te bereik wat julself gevind het deur My Liefde en
My genade. Amen
‘n Beskrywing van die hiernamaals is slegs d.m.v.
beelde en vergelykings moontlik
5441 18 Julie 1952
Alles wat Bo julle aardse lewe is sal ‘n misterie vir julle bly, selfs al word dit
vir julle deur die goedheid en liefde van julle Hemelse Vader verklaar, want
dit kan slegs op ‘n begryplike wyse vir julle uitgelê word solank julle op
hierdie aarde vertoef. Julle kan julself ondanks alle uitleg slegs ‘n
voorstelling vorm in soverre dit met julle begripsvermoë en julle insig
ooreenkom en hierdie kennis probeer julle ook toe te pas op die gindse
wêreld wat vir julle nog gesluit is.
Maar julle dink nie daaraan hoe onnoemlik begrens julle kennis is en hoe
onbeskryflik klein en ook armsalig hierdie aarde is wat julle op woon nie, in
vergelyking met al die, heerlikhede van vele ander skeppinge in die ryk van
God. Julle dink nie daaraan dat alle moontlikheid van vergelyking, om julle
mense ‘n volledig begrip te kan gee van die bo-aardse wêreld, julle
ontbreek nie.
Daarom is dit ook onmoontlik om julle opheldering te gee wat geheel
volgens die waarheid is. Julle kan slegs vergelykings en beskrywings
ontvang waarin julle kan sien dat presies soos op aarde, daar ook volgens
wette geleef moet word, dat die Goddelike ordening in die geesteryk
onvoorwaardelik gevolg moet word, as die opwaartse ontwikkeling ook in
die hiernamaals wil voortgaan. Verder is dit onmoontlik om geestelike
indrukke te verduidelik aan mense op die aarde of dit by benadering te
verklaar. Daar is geen woorde te vind vir dit wat die wesens in die
117